वाका रह खेलमैदानको निरीक्षण गर्दै खेलकुद बिकास समितिका अध्यक्ष तामाङ

जिल्ला खेलकुद बिकास समिति धादिङका अध्यक्ष प्रताप सिंह तामाङले वाका राह खेलमैदानको स्थलगत निरीक्षण गर्नुभएको छ । धादिङको नेत्रावती डवजोङ गाउँपालिका वडा नं ३ स्थित धादिङ र नुवाकोटको सिमामा अवस्थित वाका राह खेलमैदान निर्माण सम्पन्न भए पश्चात सोमबार जिल्ला खेलकुद बिकास समिति धादिङका अध्यक्ष प्रताप सिंह तामाङको टोलीले खेलमैदानको स्थलगत निरीक्षण गर्नुभएको हो ।

जिल्लाकै विशेष महत्व बोकेको वाका रह खेलमैदानको अबलोकनका क्रममा अध्यक्ष तामाङले स्थानिय नेता, खेलाडी, खेलप्रेमि र स्थानिय युवाहरु संग भेटघाट तथा छलफलका साथै खेलकुद सामग्री समेत बितरण गर्नुभएको छ । निरीक्षणमा तामाङ संगै क्लब अध्यक्ष र युवा नेता दिपक तामाङ लगाएतका सहभागी थिए ।

धादिङलाई खेलकुदमय बनाउने योजनाका साथ आफूहरुले युवाहरुलाई एकिकृत गरी खेलकुद सामाग्री वितरण तथा खेलकुद मैदान निर्माण गर्दै आएको जिल्ला खेलकुद बिकास समिति धादिङका अध्यक्ष प्रताप सिङ तामाङ (स्पाटन)ले जानकारी दिनुभयो । 

यसअघि जिल्ला खेलकुद बिकास समितिले धादिङका सबै गाउँपालिका तथा नगरपालिकाका बिध्यालय देखि स्थानिय क्लब र समुहहरुलाइ बजेट ब्यबस्थापन,खेलकुद सामग्री बितरण तथा खेल मैदान निर्माणमा सहयोग गर्दै आइरहेको छ ।