खाल्टेमा जारी श्रीमद भागवत सप्ताहको आज पाँचौँ दिन,प्राविधिक विद्यालय स्थापना गर्नको लागि चन्दा संकलन हुदैँ
साउदीमा मृत्यु भएका राम बहादुर गुरुङको धादिङ स्थित ठेगाना खुलेन,क्षतीपुर्तीमा सहजिकरण गर्न समस्या
शैक्षिक सुधारमा नीलकण्ठ नगरपालिकाः खुला प्रतिस्पर्धाबाट सामुदायिक विद्यालयमा प्रधानाध्यापकको छनौट गर्दै
शितल छहारी नेपालद्धारा स्वाबलम्बी बहिरा आधारभुत विद्यालयलाई स्कुटर हस्तान्तरण
धादिङबेशी आसपासमा सिमसिम पानी, किसान चिन्तित
नीलकण्ठ–८ रामकोटमा आज पञ्चमी मेला लाग्दै
धादिङ,२९ चैत।
धादिङको गंगाजमुना गाउँपालिका वडा नम्बर ३ को शत प्रतिशत घरमा धारा निर्माण गरी जिल्लाकै पहिलो वडा घोषणा गरिएको छ ।
वडा भित्रका सबै घरमा खानेपानीको धारापुगेसँगै मंगलबार वडा नम्बर ३ स्थित गुम्दीमा एक कार्यक्रमका बिच गाउँपालिका अध्यक्ष बल बहादुर अधिकारी, शान्ति नेपालका परियोजना संयोजक इन्द्रमान शाक्य, गाउँपालिकाका जनप्रतिनिधिहरु विभिन्न संघ संस्थाका प्रतिनिधिहरु लगाएतको आतिथ्यतामा एक घर, एक धारा वडा घोषणा गरिएको हो ।
गाउँपालिका, जिल्ला खानेपानी तथा सरसफाई डिभिजन कार्यालय धादिङ,GWT नेपाल, शान्ती नेपाल, लगायत सरकारी तथा गैरसरकारी संघ संस्था लगायत स्थानियको सहयोगमा जनताको घरघरमा खानेपानीको धारा पु¥याईएको वडा अध्यक्ष विजय गुरुङले बताउनुभयो ।
एक घर, एक धारा अभियानलाई जिल्लाकै पहिलो बनाउन सहयोग गर्ने सबै सहयोगी दाता तथा वडा नम्बर ३ का वडाबासीलाई धन्यवाद दिँदै विकास निर्माणका काममा एकढिक्का भएर अघि बढ्नुपर्ने बताउनुभयो ।
वडाका अन्य विकासका काममा पनि सबै एकजुट भएर लाग्न वडा अध्यक्ष गुरुङले आग्रह गर्नुभएको छ। यस्तै उक्त कार्यक्रमको अवसरमा नवनिर्मित वडा नम्बर ३ को वडा कार्यालय भवनको पनि उद्घाटन गरिएको छ ।
