खाल्टेमा जारी श्रीमद भागवत सप्ताहको आज पाँचौँ दिन,प्राविधिक विद्यालय स्थापना गर्नको लागि चन्दा संकलन हुदैँ
साउदीमा मृत्यु भएका राम बहादुर गुरुङको धादिङ स्थित ठेगाना खुलेन,क्षतीपुर्तीमा सहजिकरण गर्न समस्या
शैक्षिक सुधारमा नीलकण्ठ नगरपालिकाः खुला प्रतिस्पर्धाबाट सामुदायिक विद्यालयमा प्रधानाध्यापकको छनौट गर्दै
शितल छहारी नेपालद्धारा स्वाबलम्बी बहिरा आधारभुत विद्यालयलाई स्कुटर हस्तान्तरण
धादिङबेशी आसपासमा सिमसिम पानी, किसान चिन्तित
नीलकण्ठ–८ रामकोटमा आज पञ्चमी मेला लाग्दै
धादिङ,०१ ज्येष्ठ ।
धादिङकोे गल्छी गाउँपालिका वडा नं २ मा नेकपा एमालेका उम्मेदवार षडानन्द खनाल प्यानल सहित बिजयी हुनुभएको छ ।
खनालले गठबन्धनको तर्फ बाट एकीकृत समाजबादीका उम्मेदवार रमेश थापालाई १६ मतान्तरले पराजित गर्दै बिजयी हुनुभएको हो । खनालले वडाअध्यक्षमा १०४७ मत प्राप्त गर्नु भएको छ भने गठबन्धनको तर्फ बाट एकीकृत समाजबादीका उम्मेदवारले १०३१ मत ल्याउनु भएको छ । खनालले २०७४ सालमा पनि यहि वडाबाट अध्यक्षमा जित्नु भएको थियो ।
वडा नं २ मा गाउँपालिका अध्यक्ष पदमा सुर्य चिन्हको १०३७ , कलम चिन्हको ८९५ र उपाध्यक्ष पदमा सुर्य चिन्हको ११२१ र रुख चिन्हको ८८१ मत प्राप्त भएको छ ।
यसअघि गल्छी गाउँपालिका–१ को वडाध्यक्षमा एमालेका यदु कुमार खतिवडाले गठबन्धनका तर्फबाट समाजबादीको वडा अध्यक्षका उम्मेदवार माधव प्रसाद खतिवडालाई १३९ मतले पराजित गर्दै विजयी हुनु भएको थियो ।
गल्छी गाउँपालिकाको १ र २ नम्बर वडाको मतगणना सम्पन्न हुँदा गाउँ पालिका अध्यक्षमा नेकपा (एमाले), केदारनाथ खतिवडालाई २ हजार ४ सय ४९ मत प्राप्त भएको छ भने गठबन्धनको समाजवादीका कृष्णहरी श्रेष्ठलाई १ हजार ६८७ मत प्राप्त भएको छ ।
त्यस्तै गाउँपालिका उपाध्यक्षमा नेकपा एमालेकी राधा तिमल्सिनालाई २ हजार ४५ मत मत प्राप्त भएको छ भने गठबन्धनको नेपाली काङ्ग्रेसका भाइकाजी तिवारी १ हजार ९९०मत प्राप्त भएको छ ।
तस्बिर : केशव अधिकारी
