नेत्रावती डबजोङबाट SEE मा ९२.३६ प्रतिशत विद्यार्थी उतीर्ण
किबो स्काउट ट्रुपद्राद्धारा स्काउट स्थापना दिवसको अवसरमा सन्देशमुलक नृत्य तथा नाटक प्रस्तुत
धादिङको बेल्खुमा दुई मोटरसाइकल ठोक्किँदा तीनजना घाइते, एकजनाको अवस्था गम्भीर
सिद्धलेकले ल्यायो ६० करोडको बजेट,सडक, शिक्षा, कृषि र स्वास्थ्यमा जोड
मिन्दुका माविमा संघ, प्रदेश र स्थानीय तहको झल्को दिने नमुना निर्वाचन सम्पन्न
चिल्ड्रेनपार्क माविद्वारा चार जिपिए ल्याउने प्रिसिला तामाङ सहित अन्य विद्यार्थीलाई सम्मान
धादिङ,३० भाद्र ।
सिद्धलेक गाउँपालिकाले गठन गरेको शिक्षा समिति र शैक्षिक सुधारको लागि गठन गरिएको शैक्षिक कार्यदलप्रति नेपाल राष्ट्रिय शिक्षक संगठनले आपत्ति जनाएको छ। पालिकामा बिद्धमान शिक्षा ऐन, नियम विपरित गठन गरिएको शिक्षा समिति र शैक्षिक कार्यदलप्रति पूर्णरुपमा फरक मत रहेको जानकारी गराउदै शिक्षक संगठनले बुधबार ध्यानाकर्षण पत्र बुझाएका छन्।
नेपाल राष्ट्रिय शिक्षक संगठन गाउँ समिति सिद्धलेकका अध्यक्ष धु्रवराज खतिवडा, सचिव मदन कुमार सिलवाल, जिल्ला समितिका सचिव हरि बहादुर सिलवाल लगाएतको टोलिले गाउँपालिकाका अध्यक्ष परशुराम खतिवडालाई ध्यानाकर्षण पत्र बुझाएका हुन् ।
ध्यानाकर्षण पत्रमा गाउँकार्यपालिकाले गाउँपालिका स्तरीय शिक्षा समिति गठन गरेको र २०७८ माघ २३ गते ३ बर्षको लागि सदस्यमा नियुक्ति हुनु भएको पदेन सदस्य बाहेकका लक्ष्मण शर्मा र अञ्जु थपलिया लगाएतका सदस्यहरुको कार्यकाल रहदा रहदै, गठन गरिएको ऐन नियममा बाझिन पुगेको भन्दै हाल गठित शिक्षा समिति अवैधानिक भएको उल्लेख गरिएको छ ।
त्यस्तै शिक्षक संगठनसँग कुनै राय सल्लाह विना वदनियतपूर्ण, दुरासय युक्त र मनोमानी ढङ्गले कार्यदल गठन गरिएको र सोे कार्यदल ऐन, नियममा व्यवस्था नभएकाले शैक्षिक सुधारको लागि नियमित शिक्षक संघ संगठनको प्रतिनिधि, शैक्षिक विज्ञ, जनप्रतिनिधि र सरोकारवालाको व्यापक सल्लाह र निर्णय अनुसार निष्पक्षता र वास्तविक शैक्षिक सुधारको आधार सुरक्षित गर्न ध्यानाकर्षण पत्रमा भनिएको छ । अन्यथा गठित कार्यदल नेपाल राष्ट्रिय शिक्षक संगठनलाई अमान्य हुने चेतावनी समेत दिएको छ ।
यस्तो छ,ध्यानाकर्षण पत्र :
