नेत्रावती डबजोङबाट SEE मा ९२.३६ प्रतिशत विद्यार्थी उतीर्ण
धादिङमा बढी भाडा असुल्ने Pathao तथा InDrive राइडरहरूविरुद्ध कारबाही
नीलकण्ठ बालमन्दिर मा०बि ISO-21001 गुणस्तर प्राप्त गर्ने नेपालकै दोश्रो सामुदायिक बिद्यालय
किबो स्काउट ट्रुपद्राद्धारा स्काउट स्थापना दिवसको अवसरमा सन्देशमुलक नृत्य तथा नाटक प्रस्तुत
धादिङको बेल्खुमा दुई मोटरसाइकल ठोक्किँदा तीनजना घाइते, एकजनाको अवस्था गम्भीर
सिद्धलेकले ल्यायो ६० करोडको बजेट,सडक, शिक्षा, कृषि र स्वास्थ्यमा जोड
काठमाडौँ,५ असोज ।
नेपालगञ्ज भन्सार कार्यालयको राजस्व असुलीमा कमी आएको छ । अवैधरुपमा मालसमान भित्रिनेक्रम बढेपछि भन्सारले केही महिनादेखि लक्ष्यअनुसारको राजस्व सङ्कल गर्न नसकेको हो । अघिल्लो आर्थिक वर्षमा राजस्व असुलीमा वार्षिक लक्ष्य नभेटेको भन्सारको तथ्याङ्क हेर्दा पछिल्ला केही महिनादेखि निरन्तर मासिक लक्ष्यसमेत कमी देखिएको छ ।
भन्सार राजस्व असुलीमा गत वर्षको साउनमा लक्ष्यको १३१.४८ प्रतिशत भेटेको नेपालगञ्ज भन्सारले चालु आर्थिक वर्षको साउनसम्ममा लक्ष्यको ७५.७१ प्रतिशत मात्रै असुली गर्न सफल भएको छ । नेपालगञ्ज भन्सारले गत असारमा लक्ष्यको ७८.१० प्रतिशत, जेठमा लक्ष्यको ७७.५४ प्रतिशत, वैशाखामा ७६.७६ प्रतिशत, चैतमा ७९.१६, फागुनमा ८९.७४, माघमा ७७.३० प्रतिशत मात्रै लक्ष्य हासिल गरेको थियो ।
गत आर्थिक वर्षमा मासिक लक्ष्य साउन र असोजमा मात्रै हासिल भएको भन्सार कार्यालयले जनाएको छ । भन्सार राजस्व असुलीमा निरन्तर असफलता रहे पनि चालु आर्थिक वर्ष २०७९/८० का लागि अघिल्लो आव २०७८/७९ माभन्दा चार अर्ब बढी लक्ष्य भन्सारले पाएको छ । चालु आव २०७९/८० मा रु २९ अर्ब ३२ करोड ९५ लाख ३९ हजार लक्ष्य निधारण गरेको हो । अघिल्लो आव २०७८/७९ मा नेपालगञ्ज भन्सारले रु २५ करोड २१ लाख ६ लाख ६२ हजार लक्ष्य पाएको थियो ।
