आठौं धादिङ महोत्सव पुस ७ देखी हुने

धादिङ,१६ मंसिर ।
आठौं धादिङ महोत्सव आगामी पुस ७ गतेदेखी १७ गते सम्म सन्चालन हुने भएको छ ।धादिङको दिगो विकास र अर्थतन्त्रको आधार, कृषि पर्यटन जलश्रोत तथा उद्योगको पुर्वाधार भने मुल नाराको साथ महोत्सवको आयोजना गरीएको धादिङ उद्योग वाणिज्य संघले जानकारी दिएको छ।
महोत्सवको मुख्य आर्कषणहरु स्थानीय तह भित्र उत्पादन हुने वस्तु तथा सेवाको प्रर्दशनी,कृषी प्रदर्शनी,साना तथा घरेलु उत्पादनको प्रदर्शनी तथा विक्री वितरण,पर्यटन प्रवद्र्धन सम्बन्धी विविध कार्यक्रमहरु,स्थानीय राष्ट्रिय तथा अन्तराष्ट्रिय औद्योगिक वस्तुहरुको प्रदर्शनी तथा विक्री, हस्तकलाको प्रदर्शनी तथा विक्री,खनिजजन्य वस्तुको प्रदर्शनी,जडिवुटी प्रदर्शनीमा राखीने भएको छ ।

मेलामा धादिङको रुवीलाई प्रथामिकता दिने र मेलाबाट संकलन भएको रकम एक महिना भित्र पत्रकार सम्मेलन गरेर सार्वजानीक गर्ने धादिङ उद्योग वाणिज्य संघका अध्यक्ष विष्णु प्रसाद थपलियाले बताउनु भएको छ ।मेलाबाट संकलन भएको रकमले धादिङ उद्योग वाणिज्य संघमा सभा हल बनाईने धादिङ उद्योग वाणिज्य संघका अध्यक्ष थपलियाले जानकारी दिनुभयो।महोत्सवमा जम्मा १२० वटा स्टलहरु रहने पत्रकार सम्मेलनमा जानकारी गराईएको थियो । ३ लाख भन्दा बढी दर्शकले महोत्सवको अवलोकन गर्ने र १० करोड भन्दा वढीको कारोवार हुने आयोजकले लक्ष्य राखेको छ ।