सिद्धलेक गाउँपालिकाद्वारा ४४ वटा विद्यालयलाई प्राथमिक उपचारका सामाग्रीहरु वितरण

धादिङ,३० पुस ।
धादिङको सिद्धलेक गाउँपालिकाका विद्यालयहरुलाई प्राथमिक उपचारका सामाग्रीहरु वितरण गरिएको छ ।सिद्धलेक गाउँपालिका स्वास्थ्य शाखा धादिङको आयोजनामा गाउँपालिका अन्तर्गतका ४४ वटा विद्यालयलाई प्राथमिक उपचारका सामाग्रीहरु वितरण गरिएको हो ।
विद्यालयमा विद्याथीहरु खेल्ने क्रममा, विद्यालय आँउदा जाँदा लडेर सामान्य घाईते हुने, ज्वरो आउने, पेट दुख्ने समस्याहरुले विद्यार्थीहरुको पढाइमा बाधा पुग्नुे हुनाले विद्यार्थीहरुलाई चोट लाग्दा स्वास्थ्य संस्था पुग्नु अघिनै विद्यालयमा नै प्राथमिक उपचार गरेर पढाइलाई निरन्तरता दिने उद्धश्यले प्राथमिक उपचारका सामाग्रीहरु वितरण गरिएको स्वास्थ्य शाखा प्रमुख चेतनाथ भट्टले बताउनुभयो।

द्यिालयलाई बेटाटिन, ब्यान्डेज कटन, सावुन ग्लोभस,प्यारासिटामोल,पेट दुखेका औषधी, किशोरी महिलाहरुलाई महिनावारी हुँदा पेट दुख्दा खाने औषधि लगायतका सामाग्रीहरु वितरण गरिएको स्वास्थ्य शाखा प्रमुख भट्टले बताउनुभयो ।गाउँपालिकाका प्रमुख प्रशासकीय अधिकृत राममणी मिश्रको अध्यक्षतामा सम्पन्न भएको कार्यक्रममा गाउँपालिकाका अध्यक्ष परशुराम खतिवडाको प्रमुख आतिथ्यता तथा गाउँपालिका उपाध्यक्ष सबिता अर्यालकोे विषेश आतिथ्यता रहेको थियो ।