माघ ६ र ७ गते धादिङबेसीमा प्रथम बाग्मती प्रदेश प्याब्सन परिषद् भेला हुदै

धादिङ,५ माघ ।
माघ ६ र ७ गते हुने बागमती प्रदेश नेपालको प्रथम प्रदेश परिषद् भेलाको तयारी अन्तिम चरणमा पुगेको छ ।धादिङबेसीमा बिहिबार पत्रकार सम्मेलन गरेर प्रथम बाग्मती प्रदेश परिषद् भेलाको तयारी अन्तिम चरणमा पुगेको बागमती प्रदेश नेपाल प्याब्सनका अध्यक्ष केशवराज श्रेष्ठले जानकारी गराउनु भएको छ ।

कार्यक्रममा १३ ओटै जिल्लाका जिल्ला अध्यक्षको वार्षिक प्रगति विवरण प्रतिवेदन प्रस्तुत र छलफल गर्नुका साथै निजी विद्यालयका समस्या,सम्भावना र चुनौतीको विषयमा छलफल हुने श्रेष्ठले बताउनुभयो ।माघ ६ गते १३ वटै जिल्लाका पदाधिकारीहरु ब्यानर,झन्डा सहित दिउँसो २ बजे पुछार बजारदेखी सिरान बजार सम्म र्यालीमा सहभागि हुने आयोजकले जानकारी गराएको छ ।

साथै ३ बजे कार्यक्रम उद्घाटन गरिने, साढे ५ बजे खुल्लासत्रको कार्यक्रम समापन हुनुका साथै ७ गते विहान ८ बजे बन्दसत्र प्रारम्भ गरी १२ बजे समापन हुने प्याब्सन बाग्मती प्रदेश नेपालका सचिव ऋषिराम नेपालले पत्रकार सम्मेलन मार्फत जानकारी गराउनु भएको छ ।प्याब्सन नेपालका केन्द्रिय अध्यक्ष डिके ढुङगाना र प्रदेश सांसद गोविन्द प्रसाद लम्सालको विशेष आतिथ्यतामा कार्यक्रम सम्पन्न गरिने छ। कार्यक्रममा १३ जिल्लाका जिल्ला स्तरीय कार्यसमितिका सदस्यहरु, सल्लाहकार तथा पदाधिकारीहरुको सहभागिता हुने छ ।