खाल्टेमा जारी श्रीमद भागवत सप्ताहको आज पाँचौँ दिन,प्राविधिक विद्यालय स्थापना गर्नको लागि चन्दा संकलन हुदैँ
साउदीमा मृत्यु भएका राम बहादुर गुरुङको धादिङ स्थित ठेगाना खुलेन,क्षतीपुर्तीमा सहजिकरण गर्न समस्या
शैक्षिक सुधारमा नीलकण्ठ नगरपालिकाः खुला प्रतिस्पर्धाबाट सामुदायिक विद्यालयमा प्रधानाध्यापकको छनौट गर्दै
शितल छहारी नेपालद्धारा स्वाबलम्बी बहिरा आधारभुत विद्यालयलाई स्कुटर हस्तान्तरण
धादिङबेशी आसपासमा सिमसिम पानी, किसान चिन्तित
नीलकण्ठ–८ रामकोटमा आज पञ्चमी मेला लाग्दै
धादिङ,१० फागुन
अपाङ्गगता भएका व्यक्तिहरुका लागि आयोजित दुई दिने कानुनी सचेतना सम्बन्धी अभिमुखिकरण कार्यक्रम धादिङको सल्यानटारमा सुरु भएको छ। बुधबारबाट सुरु भएको तालिममा बागमती प्रदेशको तीन जिल्ला धादिङ, रसुवा र नुवाकोटका अपाङ्गगता भएका व्यक्तिहरुको सहभािगता रहेको छ ।राष्ट्रिय अपाङ्गग महासंघ–नेपाल बागमती प्रदेशको आयोजना तथा बागमती प्रदेश सरकार,सामाजिक विकास मन्त्रालयको सहयोगमा तीन जिल्लाका अधिकारकर्मीको लागि कानुनी सचेतना सम्बन्धि अभिमुखिकरण कार्यक्रमको आयोजना गरीएको हो।त्रिपुरासुन्दरी गाउँपालिका वडा नम्बर–१ सल्यानटारमा भएको अभिमुखीकरणको उद्घाटन समारोहमा बोल्नुहुँदै राष्ट्रिय अपाङ्ग महासंघ–नेपाल बागमती प्रदेशका अध्यक्ष आश्विन लम्सालले तीन चरणको सरकारको आआफ्नै कानुन रहेको बताउनुभयो।ती कानुन अधिकारको क्षेत्रमा काम गर्नेले कानुन बुझ्न सकेन भने पैरवी फलदायी नहुने भन्दै अपाङ्ग अधिकारकर्मीहरुको लागि कानुनी सचेतना भएको लम्साल बताउनु भयो।
राष्ट्रिय अपांग महासंघ–नेपाल बागमती प्रदेशका अध्यक्ष आश्विन लम्सालको अध्यक्षतामा सुरु भएको अभिमुखिकरण कार्यक्रममा त्रिपुरासुन्दरी गाउँपालिकाका अध्यक्ष राजु उप्रेतीको प्रमुख अतिथ्यता र प्रमुख जिल्ला अधिकारी रमेश ढकाल र जिल्ला प्रहरी कार्यालय धादिङका प्रमुख गौतम मिश्रको विशेष आतिथ्यता रहेको थियो ।कार्यक्रमका विषेश अतिथि समेत रहनुभएको प्रमुख जिल्ला अधिकारी रमेश ढकालले अपाङ्गता भएका व्यक्तिहरुका लागि गर्नुपर्ने व्यवस्थाहरु, समन्वय, सहकार्य र त्यसको कार्यन्वयनको लागि खेल्नुपर्ने भुमिका प्रति प्रतिबद्ध रहेको बताउनुभयो ।
स्थानीय तहहरुले अपाङ्गता भएकाहरुको तथ्यांक संकलन गर्न नसक्दा अपाङ्गता भएकाहरुको क्षेत्रमा काम गर्न अप्ठेरो भएको अपाङ्ग कल्याण संघका अध्यक्ष गुणराज खतिवडाले बताउनुभयो ।कानुन समावेशी छ कि छैन, विपत् व्यवस्थापन कार्यविधि बन्न अपाङ्गगतामैत्री छ कि छैन हेर्न जरुरी रहेको भन्दै खतिवडाले अपाङ्गगता भएकाहरुको समस्या समाधान गर्न तीन तहको सरकारबीच समन्वय हुनुपर्ने बताउनुभयो।
यसैगरी कार्यक्रममा त्रिपुरासुन्दरी गाउँपालिकाका अध्यक्ष तथा कार्यक्रमका प्रमुख अतिथी राजु उप्रेतीले अपाङ्गगता भएकाहरुको क्षेत्रमा गाउँपालिकाले विभिन्न कार्यक्रमहरु सन्चालन गरीरहेको बताउनुभयो।अपाङ्गगता भएकाहरुको आर्थिक उपार्जन गर्नको लागि गाउँपालिकाले आयआर्जनको क्षेत्रमा सिप सिकाउने तथा आत्मनिर्भर बनाउने तिर काम गरीरहेको बताउनुभयो।
