महिलाहरुलाई उद्यमी बनाउने गरी नगरपालिकाले काम गरीरहेको छः मेयर ढुंगाना

धादिङ,१५ चैत
नीलकण्ठ नगरपालिकाले महिलाहरुलाई उद्यमी बनाउने गरी कार्यक्रम सन्चालन गरीरहेको नगर प्रमुख भीम प्रसाद ढुंगानाले बताउनु भएको छ।मेयर उद्यमशिल कार्यक्रममा महिलाहरुलाई प्राथमिकता दिएर अघि बढाउने भन्दै स्वरोजगारी बन्नको लागि आग्रह गर्नुभएको छ ।
महिलाहरुको क्षेत्रमा विभिन्न सिप मुलक तालिम सन्चान गरीरहेको भन्दै नगरपालिकाभित्र बन्न लागेको उद्योग ग्राममा पनि महिलाहरुको उद्योगहरुलाई प्राथमिकता दिने बताउनुभयो ।

नगरपालिकाले महिलाहरुको क्षेत्रमा वित्तीय साक्षरता,विभिन्न सिपमुलक तालिम,अनुदानको कार्यक्रम,सुत्केरीको लागी अस्पताल सम्म जानलाग्ने एम्बुलेन्स खर्च समेत दिने गरेको भन्दै उहाँले नगरपालिकाले महिलाहरुको क्षेत्रमा काम गरीरहेको बताउनुभयो ।हरेक विकास निमार्णको काममा नेतृत्व लिनको लागी आग्रह गर्नुभएको छ ।नीलकण्ठ नगरपालिकाले संचालन गरेको तीन दिने महिला सशक्तिकरण सम्बन्धि तालिमको समापन समारोहलाई सम्बोधन गर्नुहुदै ढुंगानाले सो कुरा बताउनु भएको हो।

समाजमा भएका विकृति विसंगतीलाई हटाउन र महिलालाई सक्षम र शसक्त बनाएर लैजानको लागि महिला सशक्तिकरण तालिम संचालन गरिएको बताउनुभयो । तालिममा सहभागी भएका महिलालाई सम्बोधन गर्दै नगरप्रमुख ढुंगानाले नगरपालिकाभित्र महिलाको क्षेत्रमा भएको निर्णय र कार्यक्रमप्रति चासो राख्न समेत आग्रह गर्नुभएको छ ।नीलकण्ठ नगरपालिकाको आयोजनामा तीन दिने महिला सशक्तिकरण सम्बन्धि तालिम मंगलबार सम्पन्न भएको हो। सामाजिक समावेशिकरण महिला विकास अन्तरगत महिला सशक्तिकरणको लागि तीन दिने तालिम संचालन गरिएको थियो ।

तालिममा महिला अधिकार सम्बन्धि संवैधानिक व्यवस्था, सशक्तीकरण हुनकालागि के के हुनु जरुरी छ ? हामीले हाम्रा विचार अभिव्यक्त गर्न किन जरुरी छ र कसरी अभिव्यक्त गर्ने रु लैङ्गिक समानता के हो ?महिलालाई आयआर्जन किन जरुरी छ?उद्यमशील महिलालाई राज्यको सहुलियत नीति के कस्तो छ ? र मनोसामाजिकपरामर्श लगायतका विषयमा प्रशिक्षण दिइएको नीलकण्ठ नगरपालिकाका महिला निरिक्षक निर्मला केसीले बताउनुभयो ।तालिममा नीलकण्ठ नगरपालिकाको १४ वटै वडाका विभिन्न पेशामा आबद्ध अगुवा महिला, एकल महिला र किशोरीहरू लगायतको सक्रिय सहभागी रहेको थियो।