बागमती प्रदेश एकता समाज दक्षिण कोरियाको अध्यक्षमा धादिङका भवानी प्रसाद (बि पि)पौड्याल निर्वाचित

धादिङ,२० बैशाख ।
बागमती प्रदेश एकता समाज दक्षिण कोरियाको तेस्रो अधिवेशन सम्पन्न भएको छ।आइतबार दक्षिण कोरियाको राजधानी सउलमा सम्पन्न भएको अधिवेशनले भवानी प्रसाद (बि पि)पौड्यालको अध्यक्षतामा नयाँ कार्यसमिति चयन गरेको छ ।

कार्यक्रमको प्रमुख अतिथी बागमती प्रदेशका मुख्यमन्त्री शालिकराम जम्मकट्टेलले जुम भर्चुअलबाट उद्घाटन गर्नुभएको थियो ।कार्यक्रममा नेपाली दुतावासका सचिव सुर्य थापा, एनआरएनएका केन्द्रीय प्रवक्ता प्रकाश धमला,पत्रकार महासंघ कोरियाका अध्यक्ष किसन गौतम, प्रवासी मजदुर युनियन, वमेन फर वमेन लगाएतका संघसंस्थाका प्रमुख आतिथ्यता रहेको थियो । कार्यक्रममा विभिन्न राजनितिक दलका भातृ सङठनका अध्यक्ष एबम जिल्लागत समाज र अन्य संघसंस्थाहरुको आतिथ्यता रहेको थियो ।

नवनिर्वाचित कार्यसमितिको बरिस्ठ उपाध्यक्षमा काभ्रेका नवराज तिमिल्सिना,उपाध्यक्षमा चितवनका सागर सापकोटा, दोलखाका रेशम अधिकारी र महिला उपाध्यक्षमा सुस्मा थापा निर्वाचित हुनुभएको छ । त्यस्तै महासचिवमा मकवानपुरका सुरेश थिङ,सचिवमा सिन्धुपाल्चोकबाट ताराचन्द्र आचार्य, काभ्रेबाट सुमन चौलागाईं निर्वाचित हुनुभएको छ।

अधिवेशनले दोलखाकी जयन्ती शर्मा घिमिरेलाई कोषाध्यक्षमा चयन गरेको छ भने धादिङका पुर्ण बहादुर प्रधान सहकोषाध्यक्षमा चयन हुनुभएको छ ।बागमती प्रदेश अन्तरगतका प्रत्येक जिल्ला समितिबाट एकएक जना जिल्ला संयोजक कार्यसमिति सदस्य रहने बिधानको व्यवस्था अनुसार धादिङबाट अमर घले, काभ्रेबाट केशव मन लामा, दोलखाबाट कुन्जन थापा र रामेछापबाट पदम बहादुर थापामगर चुनिनुभएको छ।

अन्य जिल्लाहरुबाट नाम प्राप्त भएपछी सल्लाहकारहरु र बिधान बमोजिमको बाँकी सदस्यहरु कार्यसमितिको पहिलो बैठकले मनोनयन गर्नेछ दक्षिण कोरियाबाट धादिङ समाज दक्षिण कोरियाका निवर्तमान अध्यक्ष मनोज थापाले जानकारी दिनुभएको छ ।