नीलकण्ठ नगरपालिका वडा नम्बर ९ सल्लेघारी बनमा एक्काईस सय बोटबिरुवा रोपिने

धादिङ,२० बैशाख
नीलकण्ठ नगरपालिका वडा नम्बर ९ स्थित सल्लेघारी  बनमा २ हजार १ सय ६० बोटविरुवा रोपिने भएको छ । नीलकण्ठ नगरपालिकामा हरियाली प्रवद्र्धन गर्ने कार्यक्रम अन्तरगत सल्लेघारी लहरेपाखा सामुदायिक बनमा विभिन्न प्रजातिको बोटबिरुवाको बृक्षारोपण गरिने भएको हो।

नीलकण्ठ नगरपालिकाको आयोजना,वातावरणीय सुशाससन कार्य समुहको समन्वय र युएसआईडी तयार नेपालको आर्थिक तथा प्राविधिक सहयोगमा उक्त स्थानमा बृक्षारोपण गर्न लागिएको हो ।सल्लेघारीमा बृक्षारोपण गर्ने सम्बन्धमा आज सरोकारवाला निकायहरुबीच अन्तरक्रिया कार्यक्रम सम्पन्न भएको छ ।

नीलकण्ठ नगरपालिकाका उपमेयर दिपक विश्वकर्माको अध्यक्षतामा सम्पन्न भएको कार्यक्रममा प्रमुख प्रशासकीय अधिकृत पुरुषोतम सुवेदी,वडा नम्बर ९ का वडा अध्यक्ष राजन बराईली,सहायक बन अधिकृत लोकनाथ लम्साल,कार्यपालिका सदस्य,विभिन्न शाखाका शासा प्रमुखहरु लगायत सरोकारवाला निकायहरुको सहभागिता रहेको थियो ।

हरियाली प्रवद्र्धन गरेर बृक्षारोपण मार्फ जलवायु परिवर्तन अनुकुल गरेर परिस्थितिक प्रणाली उत्थानशीलता गर्ने,भुक्षय रोक्ने, सौन्दर्य बनाउनको लागि बृक्षारोपण गर्न लागिएको हो ।