बाल सञ्जाल र वडा सहजकर्ताहरुको लागि आयोजित क्षमता अभिबृद्धी तालिम सम्पन्न

धादिङ,२३ बैशाख
बाल सञ्जाल र वडा बाल सहजकर्ताको लागि आयोजित तीन दिने क्षमता विकास सम्बन्धी तालिम शुक्रबार सम्पन्न भएको छ । धादिङको गल्छी गाउँपालिकाको आयोजनामा बैशाख २० गतेदेखी सुरु भएको तालिम शुक्रबार एक कार्यक्रमका बिच समापन गरीएको हो ।

वि.स.२०८० साल चैत १ गते भित्र गाउँपालिकालाई बालमैत्री स्थानीय तह घोषणा गर्ने कार्यक्रम अन्तरगत तालिमको आयोजना गरीएको हो ।
गाउँपालिकाका अध्यक्ष केदारनाथ खतिवडाको अध्यक्षतामा सम्पन्न भएको तालिममा वडा नम्बर ६ का वडा अध्यक्ष दिपक कुमार कार्की ,वडा नम्बर ५ को वडा अध्यक्ष सरोज लामा तामाङ, वडा नम्बर ३ को वडा अध्यक्ष राजन भुजेल लगायत कार्यपालिका सदस्यहरुको आतिथ्यता रहेको थियो ।

तिन दिने सम्म सन्चालन भएको तालिममा बालअधिकारकर्मी अशोक सिवाकोटी र मनोविमर्शकर्ता रामकुमार थापाले बिषयबस्तुमाथि सहजिकरण गर्नुभएको थियो ।