खाल्टेमा जारी श्रीमद भागवत सप्ताहको आज पाँचौँ दिन,प्राविधिक विद्यालय स्थापना गर्नको लागि चन्दा संकलन हुदैँ
साउदीमा मृत्यु भएका राम बहादुर गुरुङको धादिङ स्थित ठेगाना खुलेन,क्षतीपुर्तीमा सहजिकरण गर्न समस्या
शैक्षिक सुधारमा नीलकण्ठ नगरपालिकाः खुला प्रतिस्पर्धाबाट सामुदायिक विद्यालयमा प्रधानाध्यापकको छनौट गर्दै
शितल छहारी नेपालद्धारा स्वाबलम्बी बहिरा आधारभुत विद्यालयलाई स्कुटर हस्तान्तरण
नीलकण्ठ–८ रामकोटमा आज पञ्चमी मेला लाग्दै
धादिङबेशी आसपासमा सिमसिम पानी, किसान चिन्तित
राष्ट्रिय प्रजातन्त्र पार्टीका अध्यक्ष तथा सांसद राजेन्द लिङ्गदेनले राष्ट्रियता र राष्ट्रिय स्वाधीनतालाई केन्द्रविन्दुमा राखेर मुलुकको अन्तर्राष्ट्रिय छविलाई विश्वसनीय तुल्याउनुपर्ने बताउनुभएको छ ।
प्रतिनिधिसभाको आजको बैठकमा विभिन्न मन्त्रालयका बजेट शीर्षकमाथिको छलफलमा भाग लिँदै सांसद लिङ्देनले छिमेकी र विदेशीसँग कुरा गर्दा कोही रिसाउँछन् कि भन्ने कमजोर मानसिकताका आधारमा नभइ मुलुकको स्वाभिमान र प्रतिष्ठालाई ध्यान दिएर गर्नुपर्ने बताउनुभयो । उहाँले कूटनीतिक क्षेत्रमा नियुक्ति गर्दा राजनीतिक रुपमा गर्ने परम्पराको अन्त्य गर्न परराष्ट्र मन्त्रालय गम्भीर हुनुपर्ने बताउनुभयो ।
रासायनिक मलको बर्सेनि अभाव हुने समस्या अन्त्यका लागि स्वदेशमै मल कारखाना स्थापनाका लागि लगानीकर्तालाई प्रबद्र्धन गर्नुपर्ने सांसद लिङ्देनको भनाइ थियो । उमेर पुगेर पनि नेपाली नागरिकले नागरिकता नपाउने अवस्थाको अन्त्य हुनुपर्नेमा उहाँले जोड दिनुभयो ।
“बाबुआमा नेपाली भएर पनि नागरिकताविहीन हुने अवस्था विडम्बनापूर्ण छ”, सांसद लिङ्देनले भन्नुभयो, “यस्तो अवस्था हुनुहुँदैन । नागरिकतासम्बन्धी नयाँ विधेयक अहिलेको संसद्मा ल्याइओस् । हामी छलफल गरेर छिटो पारित गर्न तयार छौँ ।”
