प्रयास नेपालद्वारा कारागारमा बस्दै आएका ३ जना बालबालिकालाई कपडा र शैक्षिक सामाग्री वितरण

धादिङ,२९ भदौ
५९औँ राष्ट्रिय बाल दिवसको अवसरमा प्रयास नेपाल धादिङले जिल्ला कारागार धादिङमा रहेका बालबालिकाहरुलाई स्टेशनरी र कपडा वितरण गरेको छ।विभिन्न अपराधमा जेल सजाय भोगि रहेका अभिभावकहरुको साथमा कारागारमा बस्दै आएका ३ जना बालबालिकाहरुलाई कारागारका प्रमुख राममणि मिश्रको समन्वयमा स्टेशनरी तथा कपडा वितरण गरिएको प्रयास नेपालका कार्यकारी निर्देशक दामोदर अर्यालले बताउनुभयो ।

प्रयत्नशील सामुदायिक विकास समाज (प्रयास नेपाल) धादिङले विभिन्न साझेदार संस्थाहरुको सहयोगमा मुख्यतः बालबालिकाको अधिकारको संरक्षण, शिक्षा, उद्यमसिलता र जीवनस्तर सुधार, खानेपानी,सरसफाई, स्वास्थ्य, सुसासन जस्ता सामुदायिक विकास कार्य गर्दै आईरहेको छ।