घुम्ती शिविर मार्फत व्यबसाय दर्ता र नविकरण

धादिङ,७ असोज ।
धादिङको नीलकण्ठ नगरपालिका वडा नम्बर ८ ले नागरिकहरुलाई सहज रुपमा सेवा उपलब्ध गराउने उदेश्यले एक दिने घुम्ती शिविर सम्पन्न गरेको छ । साघुटारमा सम्पन्न भएको एक दिने घुम्ती शिविरमा ४९ वटा व्यवसाय दर्ता गरीएको वडा नम्बर ८ का वडा अध्यक्ष प्रकाश कुमार श्रेष्ठले जानकारी दिनुभयो । जसबाट आज एकै दिन २ लाख १६ हजार ५ सय रुपैयाँ राजस्व संकलन भएको छ ।

नागरिकहरुलाई व्यवसाय दर्ता र नविकरण गर्नको लागि वडा कार्यालय सम्म आउनुपर्ने बाध्यता हटाउन र नागरिकहरुलाई व्यवसाय दर्ता गर्नको लागि हौसला प्रदान गर्ने उदेश्यले घुम्ती शिविर सन्चालन गरीएको वडा अध्यक्ष श्रेष्ठले जानकारी दिनुभयो ।आफु वडाबासीको सेवा गर्नको लागि वडा अध्यक्ष भएको भन्दै आगामी दिनमा पनि गाँउगाउँमा घुम्तीशिविर सन्चालन गरेर नागरिकहरुलाई सेवा दिईने श्रेष्ठले बताउनु भएको छ ।