श्रोत परिचालन बचत तथा ऋण सहकारीको पहिलो एकाई भेला सल्यानटारमा सम्पन्न,अर्को एकाई भेला आज नीलकण्ठमा हुदै

धादिङ,१३ असोज
श्रोत परिचालन बचत तथा ऋण सहकारी संस्था लिमिटेडको २६ औ वार्षिक साधारण सभाको पहिलो एकाई भेला सल्यानटारमा सम्पन्न भएको छ । शुक्रबार त्रिपुरासुन्दरी गाउँपालिकाको वाड नम्बर २ सल्यानटारमा पहिलो एकाई भेला तथा रक्तदान कार्यक्रम सम्पन्न भएको हो । संस्थाका अध्यक्ष रुद्र बहादुर खत्रीको अध्यक्षता र त्रिपुरासुन्दरी गाउँपालिकाको उपाध्यक्ष देवराज धरेलको प्रमुख आतिथ्यतामा सम्पन्न भएको छ । कार्यक्रममा सस्थाका अध्यक्ष्य रुद्र बहादुर खत्रीले छलफलको प्रस्तावहरु र कोषाध्यक्षय नवीन कुमार श्रेष्ठले आव २०७९।८०को प्रगती प्रतिवेदन तथा आव २०८०।८१ को वजेट प्रस्तुत गर्नुभएको थियो ।

यसैगरी सुपरिवेक्षण समितिका संयोजक दुर्गा अधिकारिले लेखा सुपरिवेक्षण समितिको प्रतिवेदन तथा सुझाव पेश गर्नु भएको थियो । एकाई भेलाले संचालक समितिको प्रस्ताव उपर छलफल गरि सर्वसम्मत पारित गरेको छ । साथै उक्त साधारणसभा बैठकले एकाई प्रतिनिधिहरुको भेला २०८० असोज २३ गते हुने प्रतिनिधि एकाई भेलाको लागि प्रतिनिधि पठाएको छ ।वि.स. २०५४ कार्तिक १२ मा २६ जना द्वारा स्थापित संस्था हाल ७९७९ सदस्यहरु र ५६ करोड ११ लाख ६१ हजार कुल सम्पती रहको छ ।

संस्थाले धादिङ जिल्लाको गल्छी गाउँपालिका वडा नम्बर ७ गल्छि र त्रिपुरासुन्दरी गाउँपालिका वडा नम्बर २ सल्यान्टारमा समेत सेवा केन्द्र स्थापना गरि सेवा प्रवाह गर्दै आईरहेको छ ।सस्थाले आव २०७९।८० मा रु २ करोड ५७ लाख ३१ हजार नाफागरी १५.५ शेयर लाभांश र रु ५० लाख ८२ हजार संरक्षितपुजि फिर्ता को बापत गरि जम्मा रु १ करोड ४६ लाख रकम आफ्ना शेयर सदस्यहरुलाई बाडने समेत निर्णय सर्वसम्मत गरेको छ ।साथै दोस्रो एकाई साधारणसभा आज (शनिवार) नीलकण्ठ माध्यमिक विद्यालय प्राङ्गणमा हुदै छ ।