नीलकण्ठ ४ को थापागाउँमा समुदाय अभिमुखीकरण कार्यक्रम सम्पन्न

धादिङ्ग,१७ असोज
धादिङको नीलकण्ठ नगरपालिका वडा नम्बर ४ थापागाउँमा समुदाय अभिमुखीकरण अन्तरगत पहिलो चरणको समुह छलफल सम्पन्न भएको छ । बैदेशिक रोजगारलाई सुरक्षित,भरपर्दो र मर्यादीत बनाउनको लागि समुह स्तरमै गएर जानकारी गराउने उदेश्यले कार्यक्रम सम्पन्न गरीएको हो। वडा नम्बर ४ को वडा अध्यक्ष हरि बहादुर श्रेष्ठको अध्यक्षतामा सम्पन्न भएको कार्यक्रममा ४० जनाको सहभागीता रहेको थियो । कार्यक्रममा वडा अध्यक्ष श्रेष्ठले बैदेशिक रोजगारमा जाँदा सहि सुचना,सिप सिकेर मात्र जानुपर्ने बताउनुभयो । बैदेशिक रोजगारमा ठगीका घट्ना बढीरहेको भन्दै उहाँले विदेशबाट आएको पैसालाई सहि सदुपयोग गर्नको लागि आग्रह गर्नुभयो ।

वडाले स्वरोजगार अन्तरगत विभिन्न सिप सिकाउदै आएको भन्दै सिप सिकेर गाउँमै स्वरोजगारी बन्नको लागि आग्रह गर्नुभयो । बैदेशिक रोजगारमा देखीएको समस्या न्युनीकरण गर्नको लागि नीलकण्ठ नगरपालिकाले नगरभित्र सचेतनाको कार्यक्रम सन्चालन गरेको हो। बैदेशिक रोजगारको कारणले उत्पन्न हुने समस्या कम गर्नको लागि नीलकण्ठ नगरपालिकाले आप्रवासी स्रोत केन्द्र सन्चालन, वित्तीय साक्षरता,मनोसामाजिक समस्या न्युनीकरण,न्याय र पैरवीमा काम गर्दै आईरहेको छ ।कार्यक्रममा सुरक्षित आप्रवासन सामी परियोजनाका कार्यक्रम संयोजक दिनेश दुवाडी र मनोविमर्शकर्ता रामकुमार थापाले सुरक्षित बैदेशिक रोजगारको प्रक्रिया र विद्यमान समस्याको विषयमा जानकारी गराउनुभयो ।

कार्यक्रममा कागजपत्रको महत्व,सिपको महत्व,ईजाजत्र प्राप्त म्यानपावर कम्पनीबाट मात्र जानुको फाइदा,रकम वा पासर्पोट बुझाउदा भरपाई गर्दाको फाईदाको विषयमा कार्यक्रम संयोजक दिनेश दुवाडीले जानकारी गराउनु भएको थियो । यसैगरी मनोविमर्शकर्ता रामकुमार थापाले मनोसामाजिक समस्याको कारण,लक्षण,बैदेशिक रोजगारको कारण हुने पारिवारीक बेमेल,वित्तीय लक्ष निर्धारणको प्रक्रिया,पारिवारीक विखण्डन रोक्ने उपाय,धरेलु हिंसाबाट उत्पन्न हुने समस्याको विषयमा जानकारी गराउनु भएको थियो ।स्वदेशमै रोजगारी गरौँ यदि विदेश जानेनै भए सहि सुचना र सिप लिएर जाउँ भन्ने उदेश्यले नीलकण्ठ नगरपालिकामा सुरक्षित आप्रवासन (सामी) कार्यक्रम सन्चालन गर्दै आईरहेको छ । नगरपालिकाले बैदेशिक रोजगारको लागी जानेलाई निःशुल्क सिप, न्याय, समस्याको परेको व्यक्तिको उद्धार र आप्रवासी श्रोत केन्द्र सन्चालन गरीरहेको छ ।