जापान भ्रमणमा रहनु भएका मेयर ढुंगाना र युसुहारा सिटी बिच द्धिपक्षी सम्झौता   पत्रमा हस्ताक्षर

धादिङ,२४ कार्तिक

धादिङको नीलकण्ठ नगरपालिका र जापानको युशुहारा सिटीबिच द्धिपक्षी सम्झौता  पत्रमा हस्ताक्षर भएको छ ।जापान भ्रमणमा रहनुभएका नीलकण्ठ नगरपालिकाका मेयर तथा नगरपालिका संघका केन्द्रिय अध्यक्ष भीम प्रसाद ढुंगानाले जापानको युसुहारा सिटी बिच द्धिपक्षीय सम्झौता पत्रमा हस्ताक्षर भएको हो । जापानमा आज भएको कार्यक्रममा नगर प्रमुख भीम प्रसाद ढुंगाना र युसुहारा सिटीका प्रमुख बीच कामदार आदान प्रदान गर्ने सम्झौतामा हस्ताक्षर गर्नुभएको हो ।

नीलकण्ठको नगरको विकासको लागि युसुहारा सिटीले नगरपालिका भित्रका नागरिकहरुलाई जापान लैजाने र युसुहारा सिटीका नागरिकहरु नीलकण्ठ नगरमा आई काम गर्ने विषयमा सम्झौता भएको हो । नीलकण्ठको कृषि पेशालाई यान्त्रिकरण र आधुनिकीकरण गर्ने,कृषकहरुको क्षमता अभिबृद्धी गर्ने,शिक्षामा गुणस्तर बनाउने,साथै शिक्षक र विद्यार्थीहरुलाई सिकाई आदान प्रदान गर्नको लागि जापानमा जाने व्यवस्था गर्ने,नीलकण्ठको विकास निर्माणको लागि युशुहारा सिटीले सहयोग गर्ने,नीलकण्ठको पर्यटन प्रवद्र्धन गर्नको लागि सहयोग गर्ने,नीलकण्ठ नगरबासीको क्षमता अभिबृद्धी गर्नको लागि नगरबासीहरुलाई केहि समयको लागि जापानमै सिक्नको लागि पठाईने विषयमा छलफल भएको छ ।

द्धिपक्षीय हस्ताक्षर पछि सम्बोधन गर्नुहुदै नगर प्रमुख भीम प्रसाद ढुंगानाले भगिनी सम्बन्ध स्थापित भएपछि अब कार्यन्वयनको पक्षमा गएको बताउनु भएको छ ।नगरबासीको खुसिको कुरा भएको भन्दै उहाँले आफ्नै कार्यकालमा ठुलो परियोजना ल्याउनको लागि पहल भईरहेको बताउनुभयो ।एक आपसमा सिकाई आदान प्रदानको साथै जाईका मार्फत ठुलो परियोजना गर्नको लागि आफुले जापान सरकारसँग आग्रह गरेको नगर प्रमुख भीम प्रसाद ढुंगानाले बताउनु भएकोछ ।