समाजमा हुने अनमियता, भष्टचार र कुरितिको बिषयमा आफु एक्लै भएपनि बोल्ने अठोट गर्नुहोस : उपमेयर दिपक बिश्वकर्मा

धादिङबेशी । नीलकण्ठ नगरपालिकाका उप मेयर दिपक बिश्वकर्माले समाजमा हुने अनमियता, भष्टचार र कुरितिको बिषयमा आफु एक्लै भएपनि बोल्ने अठोट गर्नुपर्ने बताउनु भएको छ ।

न्यु किबो बोडिङ स्कुलको आयोजनामा आज बिद्यार्थीहरु संग फेस टु फेस भलाकुसारी कार्यक्रमलाई सम्बोधन गर्दै उहाँले सो कुरा बताउनु भएको हो ।

हाल युवाहरुमा भैरहेको राजनितिक दल तथा जनप्रतिनिधिहरु प्रतिको वितृष्णालाई कमी ल्याउन र युवा बालबालिकाहरुलाई समसमायिक बिषयमा जानकारी गराउने उदेश्यले बिद्यालयले उक्त फेस टु फेस कार्यक्रमको आयोजना गरेको थियो ।

बिद्यालयमा अध्ययनरत कक्षा ८,९ र १० कक्षामा विद्यार्थीसँग नीलकण्ठ नगरपालिकाका उप मेयर दिपक विश्वकर्मा संग अन्तरक्रिया कार्यक्रम सम्पन्न भएको । विद्यार्थीहरुले उप मेयर दिपक विश्वकर्मालाई राजनीति,विकास,योजना र व्यक्तिगत जीवनयापनको विषयमा प्रश्नहरु राख्नुभएको थियो ।

कार्यक्रममा प्रमुख अतिथी समेत रहनुभएको उप मेयर दिपक विश्वकर्माले नीलकण्ठ नगरपालिकाको विकास,शिक्षा क्षेत्रमा भए गरेका गतिविधि,विद्यार्थीमा हुनुपर्ने अनुशासन,समाज र देशको लागि गर्न सकिने कामहरुको विषयमा जानकारी गराउनु भएको थियो ।