नीलकण्ठ नगरको शिक्षा सुधारको लागि मेयर ढुंगानाले मागे प्रधानाध्यापकसँग सुझाव

धादिङ,३ मंसिर

शिक्षा क्षेत्रको सुधार गर्नको लागि शिक्षकहरुको सुझाव आवश्यक रहेको नगर प्रमुख भीम प्रसाद ढुंगानाले बताउनु भएको छ।नगरपालिकाले शिक्षा क्षेत्रमा ठुलो धनराशी छुट्याएको भन्दै उहाँले शिक्षकहरुसँग सुझाव माग्नु भएको हो ।नीलकण्ठ नगरपालिकाको आयोजनामा प्रधानाध्यापकहरुलाई सिकाई आपुरण तथा द्रुत सिकाइ योजना अभिमुखीकरण कार्यक्रमलाई सम्बोधन गर्नुहुदै सो कुरा बताउनु भएको हो । शिक्षा क्षेत्र आफ्नो पहिलो प्राथमिकता रहेको भन्दै विगत देखीनै नीलकण्ठले शिक्षा क्षेत्रमा नमुना कार्य गर्दै आईरहेको बताउनुभयो । भौतिक संरचना निर्माणदेखी, शिक्षकहरुलाई तालिम, शिक्षकहरुलाई ल्यापटप वितरण,प्रविधिको प्रयोग लगायतका क्षमता अभिबृद्धीको काम भईरहेको स्पष्ट पार्नुभयो ।

समाजको विकास हुनको लागि शिक्षाको पहँुच पुग्नुपर्ने बताउनुहुदै उहाँले समृद्ध नीलकण्ठ नगरपालिका निर्माणको लागि पनि शिक्षा क्षेत्रको विकास हुनुपर्ने बताउनुभयो । विद्यार्थीहरुको पहिलो विद्यालय घर भएको भन्दै उहाँले विद्यार्थीहरुलाई संस्कार सिकाउनुपर्ने आवश्यकता रहेको बताउनुभयो । किताबी ज्ञान भन्दा पनि व्यवहारिक शिक्षाले महत्वपुर्ण भुमिका खेल्ने भन्दै नगरपालिकाले सोहि अनुसारको काम गरीरहेको बताउनुभयो ।

कार्यक्रममा शिक्षा युवा तथा खेलकुद शाखा प्रमुख प्रकाश दत्त भट्टले सिकाई आपुरण तथा दु्रत सिकाइ योजना कार्यक्रमको उद्धेश्यको बारेमा जानकारी गराउनुभएको थियो । विद्यालयहरुलाई सिकाइ आपुरण तथा द्रुत सिकाइ योजना कार्यक्रम कार्यन्वयनका लागि सहजीकरण गर्ने, प्रधानाध्यापकहरुको भुमिका र पेशागत विकासका माध्यमबाट विद्यार्थीहरुको सिकाइमा सुधार ल्याउने कार्यक्रमको उद्धेश्य रहेको भट्टले बताउनुभयो ।अभिमुखीकरण कार्यक्रममा नीलकण्ठ नगरपालिका भित्रका ८२ वटा विद्यालयका प्रधानाध्यापकहरुको सहभागिता रहेको थियो ।
नीलकण्ठ नगरपालिकाका समाजिक विकास समिति संयोजक चिना माया श्रेष्ठको अध्यक्षतामा संचालन भएको कार्यक्रममा मेयर भिम प्रसाद ढुंगानाको प्रमुख आतिथ्यता तथा उपमेयर दिपक विश्वकर्मा, प्रमुख प्रशासकिय अधिकृत पुरुषोत्तम सुवेदी र शिक्षा विकास समन्वय इकाइ धादिङका प्रमुख भगवान प्रसाद पौडेलको विषेश आतिथ्यता रहेको थियो । कार्यक्रममा वडा नम्बर २ का वडा अध्यक्ष ध्वज बहादुर गुरुङ,वडा नम्बर ८ का वडा अध्यक्ष प्रकाश श्रेष्ठ,वडा नम्बर ११ का वडा अध्यक्ष राम बहादुर श्रेष्ठ,वडा नम्बर १२ का वडा अध्यक्ष धर्मराज भण्डारी(राजकुमार ) कार्यपालिका सदस्यहरु, नगरपालिकाका लेखा अधिकृत आर्जन श्रेष्ठ, शिक्षा युवा तथा खेलकुद शाखा प्रमुख प्रकाश दत्त भट्ट, शाखा अधिकृत विवेक खतिवडा लगायतको आतिथ्यता रहेको थियो ।