मेयर उद्यमशिलता कार्यक्रम अन्तरगत नीलकण्ठ ६ मा सात दिने व्यवसाय सचेतना तालिम सुरु

धादिङ,४ पुष
धादिङको नीलकण्ठ नगरपालिका वडा नम्बर ६ सुनौला बजारमा सातदिने व्यवसाय सचेतना तालिम सुरु भएको छ । नीलकण्ठ नगरपालिकाको आयोजनामा चालु आर्थिक बर्ष २०८०/०८१ मा कार्यान्वय हुने गरी स्वीकृत भएको मेयर उद्यमशीलता विकास कार्यक्रम अन्तर्गत तालिम सुरु गरीएको हो।नीलकण्ठ नगरपालिकाको १४ वटै वडामा प्रत्येक वडाका २५ जनाको सहभागिता रहने गरी तालिम सन्चालन गरिने प्रशिक्षक सम्झना भण्डारीले जानकारी दिनुभएको छ । पहिलो चरणको सात दिने तालिम लिएर व्यवसाय सुरु गर्नेहरुलाई नीलकण्ठ नगरपालिकाले २ लाख देखी १५ लाख सम्म सहुलियत कर्जा उपलब्ध गराउनेछ ।२ लाख सम्मको लागि बिना धितो र २ लाख भन्दा बढीको हकमा धितो राखेर कर्जा उपलब्ध गराईने नीलकण्ठ नगरपालिकाका उप मेयर दिपक विश्वकर्माले जानकारी दिनुभयो ।

सात दिने तालिम लिएकाहरुले व्यवासाय सन्चालन गर्नको लागि लिएको कर्जाको व्याज २ बर्ष सम्म नीलकण्ठ नगरपालिकाले भुक्तानी गर्ने नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीले जानकारी दिनुभयो ।पुरुषको हकमा ५ प्रतिशत र महिलाको हकमा ६ प्रतिशत व्याज नगरपालिकाले तिर्ने गरी बैंक सँग सम्झौता गरीएको सुवेदीले बताउनुभयो। नगरबासीहरुलाई उद्यमी बनाउने उदेश्यले नीलकण्ठ नगरपालिकामा मेयर उद्यमशिलता कार्यक्रम सुरु भएको छ । यसअघी वडा नम्बर ३,१२,१,२ ,५ र १० मा सात दिने तालिम सम्पन्न भईसकेको छ ।

सात दिन सम्म विज्ञ व्यक्तीहरुबाट सहजिकरण गरिने नीलकण्ठ नगरपालिकाले जनाएको छ । नीलकण्ठ नगरपालिका वडा नम्बर ६ का वडा अध्यक्ष भुपेन्द्र कुमार श्रेष्ठको अध्यक्षतामा सुरु भएको भएको तालिममा नीलकण्ठ नगरपालिकाका उप मेयर दिपक विश्वकर्माको प्रमुख आतिथ्यता रहेको थियो । प्रमुख प्रशासकीय अधिकृत पुरुषोत्तम सुवेदीको विशेष आतिथ्यता रहेको उद्घाटन सत्रमा शाखा प्रमुखहरु, मेयर भीम प्रसाद ढुंगानाका नीजि सचिव सरोज तिवारी,आर्थिक समितिका संयोजक लक्ष्मण रम्तेल,सुशासन तथा संस्थागत क्षमता विकास समितिका संयोजक शान्ता थापा,सुनौलाबजार प्रहरी चौकीका ईन्चार्ज दिपक घिमिरे लगायतको आतिथ्यता रहेको प्रशिक्षक तथा नीलकण्ठ नगरपालिका सामी कार्यक्रममा सामाजिक परिचालन अधिकृत सम्झना भण्डारी जानकारी दिनुभयो ।