कृषि क्षेत्रको विकास गर्नको लागि बागमती प्रदेश सरकार तयार छः मुख्यमन्त्री जम्मकट्टेल

धादिङ,१० माघ 
कृषि क्षेत्रको विकास गर्नको लागि बागमती प्रदेश सरकार तयार रहेको मुख्यमन्त्री शालिकराम जम्कट्टेलले बताउनु भएको छ । कृषिमा आधुनिकीकरण र यान्त्रीकरण गरेर कृषि पेशालाई आत्मसम्मानको पेशा बनाउनुपर्ने बताउनुभयो ।बुधबार नवौ धादिङ महोत्सवको उद्धघाटन गर्नुहुँदै मुख्यमन्त्री जम्ट्ेलले सो कुरा बताउनुभएको हो।धादिङ जिल्लालाई कृषि र पर्यटन सँग जोड्ने योजना उद्योग वाणिज्य संघले बनाउनुपर्ने भन्दै उहाँले लगानी गर्ने व्यवसायीहरुलाई सरकारले आवश्यक सहयोग गर्ने बताउनुभयो। कृषि र पर्यटनको प्रचुर सम्भावना भएको भन्दै तीनै तहको सरकार मिलेर जिल्लाको विकासमा टेवा पुर्याउनुपर्ने स्पष्ट पार्नुभयो ।

देशको मुख्य आधार कृषि र पर्यटन रहेको भन्दै उहाँले देशको मुल आधारलाई टेकेर व्यवसाय अगाडि बढाउनुपर्ने बताउनुभयो।उद्योग वाणिज्य संघले चाउचाउ, विस्कुट र कपडा मात्र बेच्ने नभई सिंगो धादिङमा कृषि क्षेत्रको उत्पादन र बजारीकरणमा उद्योग वाणिज्य संघले भुमिका खेल्नुपर्ने बताउनुभयो ।नवौ धादिङ महोत्सव आज देखि सुरु भएको छ।गजुरी गाउँपालिका वडा नम्बर ५ को गलौँदी स्थित त्रिशुली किनारमा भएको महोत्सवको बागमती प्रदेशका मुख्यमन्त्री शालिकराम जम्मकटेलले उद्धघाटन गर्नुभएको हो।‘धादिङको दिगो विकास र अर्थतन्त्रको आधार, कृषि, पर्यटन जलश्रोत तथा उद्योगको पूर्वाधार’ भन्ने नारा सहित आजदेखी महोत्सव सुरु भएको छ ।स्थानिय उत्पादनलाई प्रोत्साहन गर्ने उद्देश्यले आयोजना गरिएको महोत्वसमा २ सय ४० वटा स्टल रहेका छन् ।

घाटबेसी–गलौंदी सम्म र गलौंदी स्थित त्रिशुलीमा दुई वटा प्याकेज बनाएर ¥याफ्टिङ गरिने आयोजकले जानकारी दिएको छ ।स्थानीय उत्पादनलाई महत्व दिँदै कृषि पदर्शनी र घरेलु सामाग्री प्रदर्शनीमा उत्कृष्टलाई पुरस्कारको समेत व्यवस्था गरिएको छ ।महोत्सवको मुख्य आकर्षण पर्यटन कृषि, घरेलु उद्योग, व्यापार, शिक्षा, स्वास्थ्य क्षेत्रको विकास तथा साँस्कृतिक र पर्यटन क्षेत्रको प्रवर्द्वनमा टेवा पु¥याउने उदेश्य रहेको छ ।कृषि, दुग्धजन्य पदार्थ, हस्तकलाबाट निर्मित सामग्री, धादिङका खनिजजन्य पदार्थ, जडीबुटी प्रदर्शन, महोत्सव अवधिभर रमाइलो मेला, विभिन्न राष्ट्रिय तथा स्थानीय कलाकारहरुले मनोरञ्जन प्रदान गरिने आयोजकले बताएको छ। महोत्सवको पहिलो दिन आज प्रजापती पराजुली, कृष्ण प्रसाद गौत्तम, नेत्रमणी बास्तोला, भरत बराकोटी, श्रृष्टि बिश्वकर्मा लगायतका कलाकारहरुको प्रस्तुति रहेको थियो । माघ २१ गते सम्म चल्ने महोत्सवमा दैनिक फरक फरक ख्यातीप्राप्त र राष्ट्रिय तथा स्थानिय चर्चित कलाकारहरुको प्रस्तुती रहनेछ ।