मेयर उद्यमशिलता कार्यक्रम अन्तरगत नीलकण्ठ ८ रामकोटमा सात दिने व्यवसाय सचेतना तालिम सुरु

धादिङ,३० फागुन ।
धादिङको नीलकण्ठ नगरपालिका वडा नम्बर ८ रामकोटमा सातदिने व्यवसाय सचेतना तालिम सुरु भएको छ।नीलकण्ठ नगरपालिकाको आयोजनामा चालु आर्थिक बर्ष २०८०/०८१ मा कार्यान्वय हुने गरी स्वीकृत भएको मेयर उद्यमशीलता विकास कार्यक्रम अन्तर्गत तालिम सुरु गरीएको हो।

पहिलो चरणको सात दिने तालिम लिएर व्यवसाय सुरु गर्नेहरुलाई नीलकण्ठ नगरपालिकाले २ लाख देखी १५ लाख सम्म सहुलियत कर्जा उपलब्ध गराउनेछ ।२ लाख सम्मको लागि बिना धितो र २ लाख भन्दा बढीको हकमा धितो राखेर कर्जा उपलब्ध गराईने नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीले जानकारी दिनुभयो ।सात दिने तालिम लिएकाहरुले व्यवासाय सन्चालन गर्नको लागि लिएको कर्जाको व्याज २ बर्ष सम्म नीलकण्ठ नगरपालिकाले भुक्तानी गर्ने सुवेदीले जानकारी दिनुभयो ।

पुरुषको हकमा ५ प्रतिशत र महिलाको हकमा ६ प्रतिशत व्याज नगरपालिकाले तिर्ने गरी बैंक सँग सम्झौता गरीएको छ।नगरबासीहरुलाई उद्यमी बनाउने उदेश्यले नीलकण्ठ नगरपालिकामा मेयर उद्यमशिलता कार्यक्रम सुरु भएको प्रवक्ता तथा वडा नम्बर ८ का वडा अध्यक्ष प्रकाश कुमार श्रेष्ठले जानकारी दिनुभयो।सात दिन सम्म विज्ञ व्यक्तीहरुबाट सहजिकरण गरिने नीलकण्ठ नगरपालिकाले जनाएको छ ।

नीलकण्ठ नगरपालिका वडा नम्बर ८ का वडा अध्यक्ष प्रकाश कुमार श्रेष्ठको अध्यक्षतामा सुरु भएको भएको तालिममा नीलकण्ठ नगरपालिकाकाका प्रमुख प्रशासकीय अधिकृत पुरुषोत्तम सुवेदीको प्रमुख आतिथ्यता रहेको थियो ।कार्यक्रममा क्षमता विकास संयोजक शान्ता थापा,मेयर भीम प्रसाद ढुंगानाका नीजि सचिव सरोज तिवारी,प्रशिक्षक तथा नीलकण्ठ नगरपालिका सामी कार्यक्रमका सामाजिक परिचालन अधिकृत सम्झना भण्डारी लगायतको आतिथ्यता रहेको थियो ।आजदेखी सुरु भएको तालिम चैत ६ गते सम्पन्न हुनेछ ।