नीलकण्ठ नगर स्तरीय आप्रवासी श्रमिक सञ्जालको अध्यक्षमा दिपेश धमला

धादिङ,८चैत ।
नीलकण्ठ नगरपालिका स्तरीय आप्रवासी श्रमिक सञ्जालको अध्यक्षमा दिपेश धमला चयन हुनुभएको छ ।बैदेशिक रोजगारीमा गएर नेपाल फर्किएका आप्रबासी कामदारहरुले आफ्नो हकहितका लागि सञ्जाल गठन गरीएको हो।नीलकण्ठ नगरपालिकाबाट संचालित सुरक्षित आप्रवासन (सामी) कार्यक्रम मार्फत सञ्जाल गठन गरीएको हो।सञ्जालको उपाध्यक्षमा अम्बिका लम्साल,सचिवमा दशरथ भण्डारी,कोषाध्यक्षमा शान्ति तामाङ चयन हुनुभएको छ।यसैगरी सदस्यहरुमा मोहनलाल श्रेष्ठ,गोविन्द प्रसाद अर्याल,कृष्णदत्त काराखेती,हिरा श्रेष्ठ,सिता बरुवाल,राम बहादुर थापा,बुद्धिमान गुरुङ,सन्जु गुरुङ र दिल बहादुर मगर चयन हुनुभएको छ । नगरपालिका भित्रका सवै वडामा बैदेशिक रोजगारीबाट फर्किएका आप्रबासीलाई समेटने गरी सञ्जाल गठन गरिएको सामी कार्यक्रम संयोजक दिनेश दुवाडीले जानकारी दिनुभयो ।

विदेशमा सिकेका ज्ञान सिपलाई स्वदेशमा नै परिचालन गर्ने वातावरण सिर्जना गर्नका लागि सञ्जालको गठन गरिएको दुवाडीले बताउनुभयो । आप्रवासी हकहित संरक्षण केन्द्र धादिङका अध्यक्ष मायानाथ सिलवालको अध्यक्षतामा सम्पन्न भएको कार्यक्रममा नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीको प्रमुख आतिथ्यता रहेको थियो । कार्यक्रममा सामी कार्यक्रम अधिकृत भागिराम थारु लगायतको आतिथ्यता रहेको थियो ।

कार्यक्रमलाई सम्बोधन गर्नुहुदै कार्यक्रमका प्रमुख अतिथी पुरुषोत्तम सुवेदीले बैदेशिक रोजगारलाई सुरक्षित,भरपर्दो र मर्यादित बनाउनको लागि नीलकण्ठ नगरपालिकाले आप्रवासी श्रोत केन्द्र निर्माण लगायत,वित्तिय साक्षरता तथा मनोसामाजिक परामर्श कक्षा सँगै टोल स्तरका सचेतीकरणको कार्यक्रम भईरहेको बताउनुभयो ।सञ्जाल मार्फत विदेश जाने युवाहरुलाई सूसुचित गर्न, ठगी तथा समस्यामा परेका प्रवासी नेपालीलाई न्यायको पहुँचमा पु¥याउन, वैदेशिक रोजगारलाई सुरक्षित व्यवस्थित मर्यादित र उपलब्धी मुलक बनाउन सञ्जालले महत्वपुर्ण भुमिका खेल्नुपर्ने सुवेदीले बताउनुभयो ।