नीलकण्ठ नगरपालिका वडा नम्बर १० भारमालेमा एकिकृत घुम्ती शिविर सम्पन्न

धादिङ,१९ बैशाख
धादिङको नीलकण्ठ नगरपालिकाको आयोजनामा वडा नम्बर १० भारमालेमा एकिकृत घुम्ती शिविर सम्पन्न भएको छ ।नगरपालिकाबाट प्रवाह हुने सेवा तथा सुबिधा नगरबासीलाई गाउँगाउँमा उपलब्ध गराउने उदेश्यले एकिकृत घुम्ती शिविरको आयोजना गरीएको हो।

शिविरमा २४६ जनाको स्वास्थ्य परिक्षण तथा १५४ जनालाई औषधी वितरण,६१ जनाको खकार परिक्षण,८८ जनाले आयुर्वेद सेवा,८० जनाले रोजगार सम्बन्धी परामर्श,१ वटा जेष्ठ नागरिक परिचय पत्र वितरण,१८९ जनाको आँखाको परिक्षण,३०७ जनालाई सामाजिक सुरक्षा भत्ता वितरण,१४ गोटा पुशको गोबर परिक्षण,२६ वटा कुकुरलाई एन्टिरेविज भ्याक्सिन र १६० जना कृषकहरुले सेवा लिएका छन् ।

साथै ११२० वटा बाख्रा,१६४ वटा भैँसी,८४ वटा गाई,९०८ वटा कुखुरा,११ वटा बुंगुरलाई औषधी वितरण गरीएको छ ।नीलकण्ठ नगरपालिका वडा नम्बर १० का वडा अध्यक्ष सरोज पाण्डेको अध्यक्षतामा सम्पन्न भएको शिविरमा नीलकण्ठ नगरपालिकाका उप मेयर दिपक विश्वकर्माको प्रमुख आतिथ्यता रहेको थियो । प्रमुख प्रशासकीय अधिकृत पुरुषोत्तम सुवेदीको विशेष आतिथ्यता रहेको उद्घाटन सत्रमा शाखा प्रमुखहरु,वडा सदस्यहरु लगायतको आतिथ्यता रहेको थियो । शिविरको अवसर पारेर वडा कार्यलयलाई विपद व्यवस्थापन सामाग्री र वडा स्तरीय बाल क्लबको गठन गरीएको छ ।