विद्यालय व्यवस्थापन पदाधिकारीहरुको लागि आयोजित दोस्रो चरणको दुई दिने क्षमता विकास तालिम सुरु

धादिङ,२१ बैशाख
नीलकण्ठ नगरपालिका शिक्षा,युवा तथा खेलकुद शाखाको आयोजनामा विद्यालय व्यवस्थापन पदाधिकारीहरुको लागि आयोजित दुई दिने क्षमता विकास तालिम आजबाट सुरु भएको छ ।नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीको अध्यक्षतामा सुरु भएको तालिममा नीलकण्ठ नगरपालिकाका उप मेयर दिपक विश्वकर्माको प्रमुख आतिथ्यता रहेको थियो ।

शिक्षा विकास तथा समन्वय इकाइ धादिङका प्रमुख भगवान प्रसाद पौडेलको बिशेष आतिथ्यता रहेको कार्यक्रममा नीलकण्ठ नगरपालिकाका सल्लाहकार दिपक कोईराला, शिक्षा अधिकृत प्रकाशदत्त भट्ट, शिक्षा शाखाका कृष्ण लम्साल सामुदायिक विद्यालय व्यवस्थापन समिति महासंघ नेपालका बागमती प्रदेश महासचिव श्याम बहादुर मगराती लगायतको आतिथ्यता रहेको थियो।आजदेखी सुरु भएको तालिममा नीलकण्ठ नगरपालिका भित्रका सरकारी आधारभुत विद्यालयका विद्यालय व्यवस्थापन समितिका अध्यक्ष तथा शिक्षक अभिभावक संघका अध्यक्षहरुको सहभागिता रहेको छ ।

भोली सम्म सन्चालन हुने तालिममा विद्यालयमा अभिभावकको सहभागिता अवधारणा र अभ्यास,विद्यालयमा अभिभावक सहभागिता किन ?विद्यालय व्यवस्थपन समितिको काम कर्तव्य,अधिकार र विद्यालय गुणस्तरीय शिक्षामा विद्यालय व्यवस्थापन समितिको भुमिका लगायतको विषयमा छलफल हुनेछ।नीलकण्ठ नगरपालिकाको शैक्षिक गुणस्तर बृद्धि गर्नको लागि नगरपालिकाले विभिन्न कार्यक्रम सन्चालन गर्दै आईरहेको छ।यसअघि नीलकण्ठ भित्र रहेका माध्यमिक विद्यालयका सामुदायिक तथा नीजि विद्यालयका व्यवस्थापन समितिका अध्यक्ष र शिक्षक अभिभाव संघका अध्यक्षको लागि आयोजित २ दिने क्षमता विकास तालिम सम्पन्न भईसकेको छ ।