ज्वालामुखी गाउँपालिकाद्धारा सुरक्षित खानेपानीका लागि फिल्टर र फोहोर व्यवस्थापनको लागि डस्विन वितरण

धादिङ,२४ बैशाख ।
ज्वालामुखी गाउँपालिकाले सुरक्षित खानेपानीका लागि फिल्टर, फोहोर व्यवस्थापनको लागि डस्विन र नमुना घर अनुगमन रुजुसुची वितरण गरेको छ। ज्वालमुखी गाउँपालिका, वडा कार्यालय ,खानेपानि वोर्ड , समुदाय तथा टोल विकास सस्थाको सहयोग र समन्वय , वडा र समुदायको सह लगानीमा उक्त सरसफाइ सामाग्री वितरण गरेको हो ।

आईतबार गाउँपालिकाको वडा न ५ स्थित साविकको वडा न ४, ५,७ र ८ का २८७ घरधुरिहरुमा सुरक्षित खानेपानीको लागि फिल्टर, फोहोर व्यवस्थापनको लागि डस्विन र नमुना घर अनुगमन रुजुसुची वितरण गरिएको अध्यक्ष टंक प्रसाद काप्रीले बताउनुभयो ।

पुर्ण सुसफाइ अभियान, नमुना स्वास्थ्य गाउँ प्रवर्धन कार्यक्रम भन्ने नाराका साथ भएको कार्यक्रममा ज्वालामुखी ग्रामीण खानेपानी सरसफाइ स्वच्छता व्यवस्थापन बोर्ड र टोल विकास सस्थाले सहजीकरण गरेको थियो ।

यसअघि वडा नं ९ को १३० घरधुरीमा वितरण भैसकेकोले आर्थिक वर्ष २०८०/०८१ मा वडा न ५ को ५१७ घरधुरीमा सरसफाइ सामाग्री हस्तान्तरण गरिएको हो ।
सरसफाई सामाग्री वितरण कार्यक्रमलाई सम्बोधन गर्नुहुँदै वडा अध्यक्ष टंक प्रसाद काप्रीले आर्थिक वर्ष २०८१/०८२ मा वडाका सवै नागरिकलाई सुरक्षित पानीको उपलब्धता तथा सरसफाइका ५ वटा व्यवहारहरु पूरा गरि पालिकाको पहिलो सफा तथा स्वच्छ वडा घोषणा गरि निरन्तरताको योजना वनाइ कार्यान्वयन गर्ने बताउनुभएको छ ।

वडा न ५ का वडा अध्यक्ष टङ्क प्रसाद काप्रीको अध्यक्षता मा भएको कार्यक्रममा वडा सदस्यहरु दल बहादुर थापा, सुभराज गुरुङ कार्यपालिका सदस्य इन्द्र कुमारी झ्यारी, टोल विकास सस्थाका अध्यक्ष प्रेम वहादुर अधिकार, खानेपानी वोर्डका प्रवन्धक, वडा स्वास्थ्य सहजकर्ता देविमाया आले , वडाका कर्मचारीहरु ,आमा समूह, महिला स्वास्थ्य सेविका ,ऋत्ऋ सस्थाका प्रतिनिधि लगायतको उपस्थिति रहेको थियो ।