२०८४ सालमा एमालेलाई राष्ट्रिय शक्ति बन्नबाट कसैले रोक्न सक्दैन : एमाले उपमहासचिव पुथ्वीसुब्बा गुरुङ

धादिङ,२४ बैशाख
नेकपा एमालेका उपमहासचिव पृथ्वीसुुब्बा गुुरुङले नेकपा एमालेलाई रष्ट्रिय शक्तिहुनबाट कसैले रोक्न नसक्ने बताउनुुभएको छ ।नेकपा एमाले नीलकण्ठ नगरपालिका कमिटिको दोश्रो नगर अधिवेशनलाई धादिङबेसीमा सोमबार सम्बोधन गर्दै एमालेले २०८४ मा आफूले बहुमत ल्याउने बताउनुुभयो । समाजबादको आधार तयार गर्नका लागि एमालेले एएकलै निर्णायक शक्ति हुनेभएपनि सबै बामपन्थी शक्तिहरु मिलेर समाजबाद उन्मुख नीति कार्यक्रम ल्याउने गुरुङले बताउनुभयो ।

समाजवादको आधार तय गर्ने खालका कार्यक्रम र योजना पालिकास्तरमा बनाउन कार्यकर्तालाई अनुरोध गर्दै एमाले स्पष्ट, नीति, विचार, सिद्धान्तका आधारमा नेतामुखी नभइ पार्टीमूखी हुनुपर्ने बताउनुुभयो । संसारकै राम्रो र जनताले रुचाएको लोकप्रिय पार्टी भएकोले यसले चरम दक्षिणपन्थी र उग्रपन्थीसंग तालमेल नगर्ने बताउँदै उपमहासचिव गुरुङले एमाले विकासको सम्बाहक, भ्रष्टाचार निर्मूल, सुव्यवस्था कायम गर्ने पार्टीको रुपमा विकास भएको तथ्यले देखाएको दावी गर्नुभयो ।

नेकपा एमालेका केन्द्रीय सदस्य धादिङ इन्चार्ज धर्मदत्त देबकोटाले एमालेले संगठन निर्माणका उत्कृष्ठ काम गर्दै धादिङ जिल्ला उत्कृष्ठा भएकोले अब विकासको आधारसहित अघि बढेर निर्वाचनमा समेत उत्कृष्ठता हासिल गर्ने बताउनुुभयो । नेकपा एमाले केन्द्रीय सदस्य खेम लोहनी, जानुका सिंखडाले एमालेले जित्नेगरि संगठन निर्माण गर्दै सक्रिय भएर काम गर्न आग्रह गर्नुभयो ।नेकपा एमाले धादिङका अध्यक्ष भूमि त्रिपाठीले हामी जित्न सक्दैनौँ भन्ने मानसिक डर हावी भएकोले मत धेरै भएर पनि प्राविधिक रुपमा हारेको बताउनुुभयो ।मिसन ८४ मा नीलकण्ठ नगरपालिका मात्र नभइ धादिङमा १३ पालिका र १०४ वडा जितेर एमाले झण्डा पहराउने दावी गर्दै एमालेलाई हार्ने छुट नभएको बताउनुुभयो । जनता र पार्टीको काम नगरि माथीको आसिर्ववादले टिकट नपाइने भन्दै त्रिपाठीले जनताका लागि काम काम गरेर टिकटले आफूलाई खोज्ने बनाउन आग्रह गर्नुभयो ।

नेकपा एमाले नीलकण्ठ नगर कमिटिका अध्यक्ष दयाराम लम्सालको अध्यक्षतामा सम्पन्न उद्घाटन समारोहमा नेकपा एमाले जिल्ला उपाध्यक्ष अर्जुन श्रेष्ठ, सचिव राधिका सापकोटा, नीलकण्ठ नगरपालिका इन्चार्ज बेधनिधि पाठक लगायतले शुुभकामना व्यक्त गर्नुभयो । २ सय ३३ जना प्रतिनिधि रहेको नीलकण्ठ नेकपा एमालेले ५१ सदसिय नगर कमिटि र ५ सदसिय लेखा कमिटिको निर्वाचन गर्ने छ ।