खाल्टेमा जारी श्रीमद भागवत सप्ताहको आज पाँचौँ दिन,प्राविधिक विद्यालय स्थापना गर्नको लागि चन्दा संकलन हुदैँ
साउदीमा मृत्यु भएका राम बहादुर गुरुङको धादिङ स्थित ठेगाना खुलेन,क्षतीपुर्तीमा सहजिकरण गर्न समस्या
शैक्षिक सुधारमा नीलकण्ठ नगरपालिकाः खुला प्रतिस्पर्धाबाट सामुदायिक विद्यालयमा प्रधानाध्यापकको छनौट गर्दै
शितल छहारी नेपालद्धारा स्वाबलम्बी बहिरा आधारभुत विद्यालयलाई स्कुटर हस्तान्तरण
धादिङबेशी आसपासमा सिमसिम पानी, किसान चिन्तित
नीलकण्ठ–८ रामकोटमा आज पञ्चमी मेला लाग्दै
धादिङबेशी । नीलकण्ठ नगरपालिकाले असार १४ गते रोजगार मेला गर्ने भएको छ । धादिङबेसीमा आज पत्रकार सम्मेलन गरेर युवाहरुको हातमा सीप तालिम रोजगार, उद्यमशिलता समृद्ध नगरको आधार भन्ने नाराका साथ सिप, तालिम तथा रोजगार मेला गर्न लागीएको जानकारी गराईएको छ ।
मेलामा सीपमुलक तालिम दिने संस्थाहरुको स्टल रहने, रोजगारदाताहरुको स्टल रहने, रोजगार लिने र दिने बिचमा साक्षात्कारको अवसर रहने, ब्यवसाय दर्ता, नविकरण र संचालन सम्बन्धी परामर्श, हातमा सिप हुनेलाई रोजगारीको अवसर, सफल ब्यवसायी बिषय बिज्ञहरुसंग प्रत्यक्ष अन्तरसंवाद र स्थानिय तथा राष्ट्रिय कलाकारहरु द्धारा बिशेष सास्कृतिक कार्यक्रम रहने पत्रकार सम्मेलन मार्फत जानकारी गराईएको छ । मेलामा १४ वटा स्टलहरु रहने छ ।
रोजगारीको खोजीमा रहेका श्रमिक र रोजगारदाता बिच समन्वय गराउने उद्देश्यले नगरपालिकाले रोजगार मेलाको आयोजना गरेको नीलकण्ठ नगरपालिकाका कार्यवाहक नगर प्रमुख दिपक विश्वकर्माले बताउनु भयो । चालु आर्थिक वर्ष २०८०÷०८१ मा रोजगार मेला गर्ने नगरपालिकाको नीति तथा कार्यक्रममै व्यवस्था भएपनि मेला गर्न ढिलाई भएतापनी श्रमिक र रोजगारदाताहरुलाई केहि टेवा पुगोस भनि कार्यक्रम आयोजना गरिएको उहाँले बताउनु भयो ।
एकातिर रोजगारी नपाउने र अर्कोतिर रोजगारदताले श्रमिक नपाउने अवस्थालाई अन्त्य गर्न यो मेलाले सहयोग पुग्ने नीलकण्ठ नगरपालिकाका प्रवक्ता एवम् नीलकण्ठ नगरपालिका वडा नम्बर ८ का वडा अध्यक्ष प्रकाश कुमार श्रेष्ठले बताउनु भयो । श्रम खोज्नेको ठूलो संख्या छ । अर्कोतिर रोजगारदाताले श्रमिक नपाएर अन्यत्रबाटै श्रमिक भित्राएका छन् । श्रमिक र रोजगारदाता बीच खाडललाई अन्त्य गर्न यस्तो मेलाले सहयोग पुग्ने उहाँको भनाई छ ।
मेलामा धादिङ उद्योग बाणिज्य संघ, चेम्वर अफ कमर्श, होटल संघ, उद्योग तथा बाणिज्य कार्यालय, कृषि विकास तथा पशुसेवा कार्यालय, नीलकण्ठ बहुमुखी क्याम्पस, उद्यमशीलतामा काम गर्ने विभिन्न संस्थाहरु, व्यावसायिक तथा सीप विकास तालिम केन्द्र लगाएतले स्टल राखेर रोजगारी सम्वन्धि परामर्श दिने बताइएको छ ।
मेलामा नागरिकका लागि आवश्यक सीप सिक्ने वातावरण बनाउन इच्छानुसारको तालिम माग गर्ने र त्यसलाई रोष्टर तयार गरी विभिन्न निकायले सञ्चालन गर्ने तालिममा सहभागि गराउने व्यवस्था मिलाईने नीलकण्ठ नगरपालिकाले जनाएको छ । मेला नीलकण्ठ बालमन्दिर माविमा हुनेछ ।
