पूर्वाग्राही ढंगले भ्रामक सूचना टाँस गर्ने कार्यप्रति पालिकाको ध्यानाकर्षण : प्रवक्ता ठाकुर गुरुङ

धादिङबेशी । नेत्रावती डवजोङ गाउँपालिकाको गाउँसभालाई लिएर केही व्यक्तिहरुले पूर्वाग्राही ढंगले भ्रामक सूचना टाँस गरी सामाजिक सञ्जालमा व्यक्तिगत चरित्र हत्या गरेको भन्दै गाउँपालिकाले आपत्ति जनाएको छ ।

बुधबार गाउँपालिकाका प्रवक्ता ठाकुर गुरुङले एक प्रेस बिज्ञप्ती जारी गर्दै गाउँपालिकाका अध्यक्ष र प्रमुख प्रशासकीय अधिकृतको नाम जोडी केही स्थानमा भ्रामक सूचना टाँस गरी सामाजिक सञ्जालमा व्यक्तिगत चरित्र हत्या गर्ने उदेश्यले पोष्ट गरेको कार्य प्रति ध्यानाकर्षण भएको उल्लेख गरेका छन् ।

गाउँसभा सम्पन्न भएको केही दिन पछि उक्त गाउँसभाको विषयलाई लिएर उक्त कार्य हुनु दुखःद भएको प्रवक्ता गुरुङले नीलकण्ठ एफ.एम.लाई बताउनु भयो । उहाँले उक्त घटनाको घोर भ्रत्सना गर्दै सो कार्यमा संलग्न व्यक्तिहरुलाई कानून बमोजिम कार्बाही गरिने बताएका छन् ।

‘गाउँसभामा कुनैपनि कार्यपालिका सदस्यहरुवीच विवाद तथा असहमती नदेखिएको र सर्वसम्मत रुपमा सम्पन्न भएपश्चात यो घटना भएको देखिन्छ ।’ प्रवक्ता गुरुङले भने, ‘बेरुजु फछुर्योट, लिजा तथा विकास निर्माणका काममा गाउँपालिकाको प्रगती देखिदै गएको अवस्थामा गाउँपालिकको प्रगती देख्न नचाहनेहरुले नियोजित रुपमा यो कुपूचार गराएका हुन् ।’

प्रवक्ता गुरुङले यस्तो खाले कुनै पनि सूचनाको पछि नलाग्न सम्पूर्ण नेत्रावती डबजोङ गाउँबासीहरुलाई अपिल समेत गरेका छन् ।
उहाँले अब उप्रान्त यस्ता कुनै पनि गतिविधीहरु दोहोरÞ्याएको पाईएमा कानून बमोजिम कार्बाही गर्नका लागि अगाडी बढ्न बाध्य हुने समेत बिज्ञप्तीमा उल्लेख गरेका छन् । नेत्रावती डबजोङ गाउँपालिकाको १५ औं गाउँसभा सर्वसम्मत रुपले २०८१ असार ९ गते सम्पन्न भएको थियो ।

जारी प्रेस बिज्ञप्ती