धादिङबेसी बजारमा प्लास्टिकका माला र फूल प्रतिबन्ध

धादिङ,१३ कार्तिक
धादिङको नीलकण्ठ नगरपालिका वडा नम्बर ३ ले तिहारका बेला प्रयोग गरिने प्लाष्टिकका फूल र मालामा प्रतिबन्ध लगाएको छ।वातावरणमा नकारात्मक प्रभाव पार्ने भन्दै वडा कार्यालयले प्लास्टिकका माला फूललगायतका सामाग्री बिक्री, वितरण र ओसारपसार तथा प्रयोगमा निषेध गरेको हो। नीलकण्ठ नगरपालिका वडा नम्बर ३ का कार्यवाहक वडा अध्यक्ष रोशन कुमार श्रेष्ठले सूचना जारी गर्दै प्रतिवन्धित कार्य गरेमा प्रचलित कानून बमोजिम कारबाही हुने जनाईएको छ। तिहारको बेलामा प्लाष्टिकको फूल गुच्छा, माला बिक्री, वितरण, भण्डारण, ओसारपसार र प्रयोग तथा ४० माइक्रोन भन्दा पातलो झोलाको बिक्री, वितरण, ओसारपसार र प्रयोगमा प्रतिबन्ध लगाएको हो ।