अपाङ्गता भएका व्यक्तिहरुको अधिकार स्थापित गर्न नगरपालिका तयार छः मेयर ढुंगाना

धादिङ,१८ मंसिर
अपाङ्गता भएका व्यक्तिहरुको हक अधिकार स्थापित गर्न नीलकण्ठ नगरपालिका तयार रहेको नगर प्रमुख भीम प्रसाद ढुंगानाले बताउनुभएको छ ।३३ औँ अन्तराष्ट्रिय अपाङ्गता दिवसको अवसरमा सिटी हलमा भएको अन्तरक्रिया कार्यक्रमलाई सम्बोधन गर्नुहुदै उहाँले नीलकण्ठ नगरपालिका भित्र रहेका अपाङ्गता भएका व्यक्तिहरुको हकअधिकार स्थापित गर्न नगरपालिका क्रियाशिल रहेको बताउनुभयो । अपाङ्गता भएको व्यक्तिहरुको हक अधिकार सम्बन्धी कानुनी व्यवस्था तथा कार्यन्वयनमा देखिएको समाज र चुनौती विषय अन्तरक्रिया कार्यक्रमलाई सम्बोधन गर्नुहुदै उहाँले सो कुरा बताउनुभएको हो ।

अपाङ्गताको क्षेत्रमा के के काम गर्नुपर्ने हो,नगरपालिकामा आएर सल्लाह गर्नको लागि अपाङ्गता क्षेत्रमा काम गर्ने संघ संस्थाहरुलाई आग्रह गर्नुभएको छ । स्थानीय सरकारले अभिभावकत्व भुमिका निर्वाह गर्ने भन्दै उहाँले नगरपालिकाले बजेट तथा नीति तथा कार्यक्रम बनाउदा अपाङ्गता भएको क्षेत्रलाई प्राथमिकतामा दिने गरेको बताउनुभयो । यातयातमा देखीएको समस्या समाधान गर्नको लागि प्रमुख जिल्ला अधिकारी सँग सल्लाह गरेर तत्काल अपाङ्गता भएका व्यक्तिहरुले यातयातमा पाउने ५० प्रतिशत छुट कार्यन्वयनको चरणमा लैजाने बताउनुभयो ।

स्थानीय अपाङ्गता परिचयपत्र वितरण समितिका संयोजक तथा नीलकण्ठ नगरपालिकाका नगर उप प्रमुख दिपक विश्वकर्माको अध्यक्षतामा सम्पन्न भएको कार्यक्रममा नीलकण्ठ नगरपालिकाका नगर प्रमुख एंव नेपाल नगरपालिका संघका अध्यक्ष भीभ प्रसाद ढुंगानाको प्रमुख आतिथ्यता रहेको थियो । जिल्ला न्याधिस गोपालप्रसाद बास्तोलाको विशेष आतिथ्यता रहेको कार्यक्रममा प्रमुख जिल्ला अधिकारी सुमन घिमिरे,नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदी,शसस्त्र प्रहरी बलका डिएसपी लक्ष्मी थपलिया लगायत सरोकारवाला निकायका प्रमुख एवं प्रतिनिधिहरुको आतिथ्यता रहेको थियो । कार्यक्रममा अपाङ्गता क्षेत्रमा काम गर्ने संघ संस्था र अपाङ्गता भएका व्यक्ति र उ नका परिवारका सदस्यहरुको सहभागिता रहेको थियो । कार्यक्रम पश्चात जिल्ला स्थित सरकारी कार्यालयहरुमा सुचना मुलक स्टिकर समेत टाँस गरीएको छ ।