एमालेमै फर्किए नेकपा एस सिद्धलेकका नेता कृष्ण प्रसाद अर्याल

धादिङबेशी । नेकपा एकीकृत समाजवादीका केन्द्रीय सदस्य कृष्णप्रसाद अर्याल सहितको केहि नेता नेकपा एमालेमै फर्किएका छन् । शनिवार नेकपा एमालेको पार्टी कार्यालयमा भएको एक कार्यक्रमका बिच अर्याल सहितका केहि नेताहरु एमालेमा फर्किएका हुन् ।

एमालेमा फर्किनेहरुमा एकीकृत समाजवादीका केन्द्रीय सदस्य अर्याल, जिल्ला कमिटि सदस्य तुलकुमार श्रेष्ठ,हस्तबहादुर तामाङ र सिद्धलेक गाउँपालिकाका अध्यक्ष इश्वरीप्रसाद अर्याल रहेका छन् । कृष्णप्रसाद अर्याल नेकपा एमाले धादिङको स्थापना काल देखिका नेता हुन ।

एमाले प्रवेश गरेका नेताहरुलाई स्वागत गर्दै नेकपा एमालेका केन्द्रीय सदस्य एवम् धादिङ जिल्ला इन्चार्ज खेमप्रसाद लोहनीले आग्रह पूर्वाग्रह नराखी विगतमा पार्टी निर्माणमा योगदान पु¥याएका नेताहरुलाई सम्मानपूर्वक यथोचित जिम्मेवारी दिइने बताउनु भयो ।

पार्टी प्रवेश कार्यक्रममा एमाले धादिङका अध्यक्ष भूमी त्रिपाठीले विगतमा विभिन्न कारणले घर छाडेर अलग भएका नेता कार्यकर्तालाई मुलुकको कम्युनिष्ट आन्दोलनको मूल प्रवाहमा विना संकोच समाहित हुन आव्हान गर्नु भएको छ ।