कर्मचारी कल्याण बहुउदेश्यीय सहकारी संस्था लि.को अध्यक्षमा राममणी मिश्र निर्वाचित

धादिङबेशी । कर्मचारी कल्याण बहुउदेश्यीय सहकारी संस्था लि. धादिङको अध्यक्षमा राममणी मिश्र निर्वाचित हुनुभएको छ । शनिबार धादिङबेशीमा सम्पन्न सहकारी संस्थाको १७ औँ बार्षिक साधारण सभा तथा छैटौ अधिबेशनबाट मिश्र अध्यक्षमा सर्वसहमत निर्वाचित हुनुभएको हो ।

अधिबेशनबाट संस्थाको उपाध्यक्षमा बालकृष्ण नेपाली, महिला उपाध्यक्षमा लक्ष्मी नहर्की छत्कुली, सचिवमा पदमराज अधिकारी, कोषाध्यक्षमा पुण्यवती खकुराल, सह–सचिवमा रण बहादुर श्रेष्ठ निर्वाचित हुनु भएको छ । त्यसैगरी सहकारी संस्थाको संचालक सदस्यहरुमा प्रकाश सापकोटा, रामप्रसाद नेपाल, शिवराज दुवाडी, ऋषिराम ढुगांना, कृष्ण कुमार श्रेष्ठ, राधिका लम्साल, मित्र प्रसाद रिजाल रहनुभएको छ ।

अधिबेशनले कृष्ण बद्री पौडेलको संयोजकत्वमा ३ सदस्यीय लेखा सुपरिवेक्षण समिति चयन गरेको छ । लेखा सुवरिवेक्षण समितिको सदस्यहरुमा जयराम अर्याल र चमेली गुरुङ निर्वाचित हुनुभएको छ । त्यसैगरी अधिबेशनले ऋण उप–समितिको संयोजकमा प्रकाश सापकोटा र सदस्यहरुमा हरेराम शाह,समिता श्रेष्ठलाई निर्वाचित गरेको छ ।

त्यसैगरी अधिबेशनले नै सहकारी संस्थाको शिक्षा उप–समितिमा कृष्ण कुमार श्रेष्ठ र केदारनाथ कोईराला र ऋण अनुगमन उप–समितिमा मित्र प्रसाद रिजाल र मो. रकिम अन्सारीलाई निर्वाचित गरेको छ ।

कर्मचारी कल्याण बहुउदेश्यीय सहकारी संस्था लि.को १७ औँ बार्षिक साधारण सभा तथा छैटौ अधिबेशन संस्थाका अध्यक्ष परशुराम सुवेदीको अध्यक्षता तथा सहकारी संस्थाका जेष्ठ सदस्य केदारनाथ कोईरालाको प्रमुख आतिथ्यता तथा जिल्ला समन्वय समितिका सदस्य रामप्रसाद रिजालको बिशेष आतिथ्यतामा सम्पन्न भएको थियो ।