सिद्धलेक गाउँपालिकामा १२७ वटा कुकुर बन्ध्याकरण

बुङचुङ । धादिङको सिद्धलेक गाउँपालिकामा कुकुर बन्ध्याकरण शिबिर सम्पन्न भएको छ । यहि पौष २२ र २३ गते संचालन भएको कुकुर बन्ध्याकरण कार्यक्रममा १२७ वटा कुकुरको बन्ध्याकरण गरि यस पटकको शिविर सम्पन्न भएको हो ।

२२ गते सिद्धलेक गाउँपालिका बुङचुङमा भएको शिविरमा ६४ वटा र २३ गते सिद्धलेक–३ ईटपानीमा रहेको शिविरमा ६३ वटा कुकुरको बन्ध्याकरण गरिएको थियो ।

शिविरमा ५८ भाले कुकुर र ६९ पोधी कुकुर तथा २८ वटा घरपालुवा कुकुर र ९९ वटा सामुदायीक कुकुरको बन्ध्याकरण गरिएको छ । यस पटक समेट्न नसकिएको ठाउँमा अर्कोपटक प्राथमिकताका साथ शिविर तथा कार्यक्रम संचालन गरिने सिद्धलेक गाउँपालिकाका पशुशाखा प्रमुख डा. चक्र वलीले निलकण्ठ एफ.एम.लाई बताउनु भयो ।

शिविरमा सामुदायिक कुकुरहरुलाई निशुल्क रेविज बिरुद्धको सुरु समेत लगाईएको थियो ।