नीलकण्ठ २ को वडा कार्यालय भवन बसाहरमा उद्घाटन

धादिङ,१८ फागुन
नीलकण्ठ नगरपालिका वडा नम्बर २ को नवनिर्मित वडा कार्यालयको भवन बसाहमा उद्घाटन गरिएको छ।शनिवार एक कार्यक्रमका बिच नेपाल नगरपालिका संघका अध्यक्ष एवं नीलकण्ठ नगरपालिकाका नगर प्रमुख भीम प्रसाद ढुंगानाले उद्घाटन गर्नुभएको हो। नीलकण्ठ नगरपालिका वडा नम्बर २ का वडा अध्यक्ष ध्वज बहादुर गुरुङको अध्यक्षतामा सम्पन्न भएको उद्घाटन समारोहमा नेपाल नगरपालिका संघका अध्यक्ष एवं नीलकण्ठ नगरपालिका नगर प्रमुख भीम प्रसाद ढुंगानाको प्रमुख आतिथ्यता रहेको थियो ।

उद्घाटन समारोहमा नीलकण्ठ नगरपालिकाका नगर उप प्रमुख दिपक विश्वकर्मा,प्रमुख जिल्ला अधिकारी सुमन घिमिरे, नीलकलण्ठ नगरपालिकाका प्रमुख प्रशासकीय अधिकृत पुरुषोत्तम सुवेदी,नेपाली काँग्रेसका निर्वतमान सभापति रमेश धमला र प्रहरी प्रमुख दिपेन्द्र शाहीको विशेष आतिथ्यता रहेको थियो ।कार्यक्रममा नीलकण्ठ नगरपालिकाका सल्लाहकार दिपक कोईराला,नेपाल नगरपालिका संघका सल्लाहकार सरोज अधिकारी,नीलकण्ठ नगरपालिकाका नगर प्रवक्ता तथा वडा नम्बर ८ का वडा अध्यक्ष प्रकाश कुमार श्रेष्ठ,वडा नम्बर ५ का वडा अध्यक्ष रामबहादुर श्रेष्ठ,वडा नम्बर १४ का वडा अध्यक्ष नवराज दुवाडी,शसस्त्र प्रहरीका डिएसपी लक्ष्मी थपलिया,नेपाली काँग्रेसका क्षेत्रीय सभापति राकेश धमला,कार्यापालिका सदस्यहरु,वडा सदस्य,विभिन्न पार्टीका प्रमुख एवं प्रतिनिधिहरुको अतिथ्यता रहेको थियो।

भवन उद्घाटन समारोहलाई सम्बोधन गर्नुहुदै नगर प्रमुख भीम प्रसाद ढुंगानाले लामो समयदेखीको विवाद अन्त्य भएको भन्दै सेवा प्रवाहरुलाई चुस्त दुरुस्त बनाउनको लागि आग्रह गर्नुभएको छ । सबैको सल्लाह र सहमतिमै वडा कार्यालय भवन निर्माण गरीएको भन्दै उहाँले वडाको बाँकि काम तत्काल सुरु गर्ने बताउनुभयो । वडा कार्यालय भवनमा सिसि क्यामेरा जडान तथा छेकबारको काम सुर गरिने बताउनुभयो । भवन उद्घाटन समारोहलाई सम्बोधन गर्नुहुदै नगर उप प्रमुख दिपक विश्वकर्माले आपसी सहमतिमा भवन निर्माण गरिएको भन्दै उहाँले कसैको हार र जितको बिषय बनाउन नहुने बताउनुभयो । भवन उद्घाटन समारोहमा भवन निर्माणको लागि जग्गा दिने दानबिरहरुलाई सम्मान गरिएको थियो ।