चिल्ड्रेनपार्क माविका १०६ जना विद्यार्थी दीक्षित

 धादिङ,२१ चैत

धादिङबेसी स्थित चिल्ड्रेनपार्क आवासीय माध्यमिक विद्यालयका १०६ जना विद्यार्थी दीक्षित भएका छन्।बिहिबार विद्यालयमा आयोजित एक विशेष कार्यक्रमका बिच प्रि–प्राइमरी तह उत्तिर्ण गरेका विद्यार्थीहरुलाई दीक्षित गरीएको हो। प्रि–प्राइमरी तहको नतिजा प्रकाशन तथा दीक्षान्त समारोह तथा पुरस्कार वितरण कार्यक्रम मार्फत विद्यार्थी र अभिभावकलाई हौसला प्रदान गर्ने उदेश्यले विद्यार्थीलाई दीक्षित र अभिभावकलाई सम्मान गरीएको विद्यालयका प्रिन्सिपल षष्टि कुमार श्रेष्ठले जानकारी दिनुभयो ।

प्रि प्राईमरी अध्ययन गरी आधारभुत विद्यालयमा प्रवेश गर्नुभएका विद्यार्थीहरुलाई हौसला र उप्रेरणा होस भन्ने उदेश्यले अभिभावकहरुकै अगाडी दीक्षित गरीएको श्रेष्ठले बताउनुभयो।यसरी दीक्षित हुँदा विद्यार्थीहरु खुसि हुने र अभिभावहरुलाई पनि हौसल मिल्ने भएकोले विद्यालयले यस्तो प्रकारको कार्यक्रम आयोजना गरेको श्रेष्ठले नीलकण्ठ एफएमलाई जानकारी दिनुभयो। चिल्ड्रेनपार्क आवासिय माध्यमिक विद्यालयका प्रिन्सिपल षष्टि कुमार श्रेष्ठको अध्यक्षतामा सम्पन्न भएको कार्यक्रम प्याब्सन बागमती प्रदेशकाका उपाध्यक्ष विनोदमान श्रेष्ठको प्रमुख आतिथ्यता रहेको थियो ।

कार्यक्रममा सिपी कलेज व्यावस्थापन समितिका अध्यक्ष शान्त विक्रम बानिया,नीलकण्ठ बहुमुखी क्याम्पसका क्याम्पस प्रमुख नवराज शर्मा,शिक्षक अभिभावक संघका अध्यक्ष तथा मनोपरामर्शकर्ता रामकुमार थापाको आतिथ्यता रहेको थियो।कार्यक्रममा प्ले ग्रुप देखी युकेजी सम्मका फोर जीपिए ल्याउने र उत्कृष्ट अंक ल्याउने विद्यार्थीहरुलाई पुरस्कृत वितरण गरीएको थियो। कार्यक्रममा विद्यालयका शिक्षिका र विद्यार्थीहरुले विविध सांस्कृतिक प्रस्तुतीहरु प्रस्तुत गर्नुभएको थियो ।

कार्यक्रममा अभिभावकको तर्फबाट आफ्नो मन्तव्य राख्नुहदै प्रमिला रिजाल खतिवडाले चिल्ड्रेपार्क विद्यालयले शैक्षिक सँगै अतिरिक्त क्रियाकलापमा जोड दिदै विद्यार्थीहरुको व्यवहार र कौशलमा परिवर्तन गरेको भन्दै विद्यालयको प्रशंशा गर्नुभएको थियो । चिल्ड्रेनपार्क आवासिय माविको प्रि प्राईमरी कक्षामा ४ सय ३९ जना विद्यार्थीहरु अध्ययनरत रहेका छन् ।