नीलकण्ठ नगरपालिका वडा नम्बर १ धुसेनिमा एकिकृत घुम्ती शिविर सम्पन्न

धादिङ,२ कात्तिक ।
धादिङको नीलकण्ठ नगरपालिकाको आयोजनामा वडा नम्बर १ धुसेनिमा एकदिने बृहत एकिकृत घुम्ती शिविर बुधबार सम्पन्न भएको छ ।नगरपालिकाबाट प्रवाह हुने सेवा तथा सुबिधा नगरबासीलाई गाउँगाउँमा उपलब्ध गराउने उदेश्यले एकिकृत घुम्ती शिविरको आयोजना गरीएको हो ।
विहान १० बजेबाट सुरु भएको शिविरबाट १६१ जनालाई सामाजिक सुरक्षा भत्ता वितरण, १८० जनास्वास्थ्य परिक्षण तथा औषधी वितरण, १२० जनाको आँखाको चेकजाँच, ४५ जनालाई सुरक्षित बैदेशिक रोजगार सम्बन्धि जानकारी,२जनालाई मनोसामाजिक परामर्श,३जनालाई अपाङ्गता परिचयपत्र वितरण, १० जनालाई जेष्ठ नागरिक परिचयपत्र वितरण, ३४जनाले आयुर्वेद सेवा लिनुभएको छ ।

यसैगरी १४४ जना कृषकका २४९० पशुपंक्षीलाई औषधी वितरण,६० वटा पशुको गोबर परिक्षण र ७ वटा कुकुरलाई एन्टिरेबिज भ्याक्सीन लगाईएको नगरपालिकाले जानकारी दिएको छ । शिविरमा नीलकण्ठ नगरपालिकामा उप मेयर दिपक विश्वकर्माले अनुगमन गर्नुभएको थियो । उप मेयर दिपक विश्वकर्माले कृषकलाई बिरामी पशुको औषधी दिएर शिविरको उद्घाटन गर्नुभएको थियो ।