खाल्टेमा जारी श्रीमद भागवत सप्ताहको आज पाँचौँ दिन,प्राविधिक विद्यालय स्थापना गर्नको लागि चन्दा संकलन हुदैँ
साउदीमा मृत्यु भएका राम बहादुर गुरुङको धादिङ स्थित ठेगाना खुलेन,क्षतीपुर्तीमा सहजिकरण गर्न समस्या
शैक्षिक सुधारमा नीलकण्ठ नगरपालिकाः खुला प्रतिस्पर्धाबाट सामुदायिक विद्यालयमा प्रधानाध्यापकको छनौट गर्दै
शितल छहारी नेपालद्धारा स्वाबलम्बी बहिरा आधारभुत विद्यालयलाई स्कुटर हस्तान्तरण
धादिङबेशी आसपासमा सिमसिम पानी, किसान चिन्तित
नीलकण्ठ–८ रामकोटमा आज पञ्चमी मेला लाग्दै
धादिङ,२६ कात्तिक ।
मंसिर ४ गते हुने प्रतिनिधि सभा तथा प्रदेश सभा निर्वाचन पर्यवेक्षकका लागि अभिमुखीकरण कार्यक्रम सम्पन्न भएको छ । राष्ट्रिय निर्वाचन पर्यवेक्षण समिति (नियोक) को आयोजनामा निर्वाचन पर्यवेक्षकका लागि धादिङबेसीमा अभिमुखीकरण कार्यक्रम सम्पन्न भएको हो ।
जिल्लाभर १५ जना पर्यवेक्षकहरुले ६ वटा पालिकाको विभिन्न मतदान केन्द्रमा परिवेक्षण गर्नेभएका छन् । राष्ट्रिय निर्वाचन पर्यवेक्षण समितिका (नियोक) अध्यक्ष शालिकराम दुवाडीले स्वच्छ र निष्पक्ष निर्वाचनका लागि पर्यवेक्षकको भूमिका कस्तो हुनुपर्छ ? र पर्यवेक्षकले केके कुरामा विशेष ध्यान दिनुपर्ने हुन्छ ? भन्दै जान्नु पर्ने बताउनुभयो ।
पयवेक्षकहरूलाई निष्पक्ष भएर काम नगर्दा त्यसले सिङ्गो संस्थामा नै आँच आउने कुरामा सजग गराउँदै निष्पक्ष भएर अनुगमन तथा पर्यवेक्षणको कार्य गर्न प्रशिक्षक कृष्णराज अधिकारीले आग्रह गर्नुभयो ।
पर्यवेक्षकहरूलाई कुनै पनि उम्मेदवारलाई मत माग्न र सामाजिक सञ्जालको दुरूपयोग नगर्न प्रशिक्षक ईश्वर पल्लवी मगरले आग्रह गर्नुभयो। निर्वाचन पूर्व, निर्वाचनको दिन र निर्वाचनपछि पनि मतगणना लगायतको पर्यवेक्षण गर्ने हुँदा निष्पक्ष रूपमा सूचना सम्प्रेषण गर्न आग्रह गर्नुभएको छ।
