निर्वाचनमा जिताएर पठाउनु,गुठी समस्या समाधान गर्न नेतृत्व लिएर काम गर्छुः रामनाथ अधिकारी

धादिङ,२७ कात्तिक ।
गुठी समस्या समाधान गर्नको लागि आफुले नेतृत्व लिएर काम गर्ने धादिङ क्षेत्र नं.२ का उम्मेदवार रामनाथ अधिकारीले प्रतिवद्धता जनाउनु भएको छ ।लामो समयदेखी गुठीको समस्या भोग्दै आएका नीलकण्ठ नगरपालिका वडा नं. १० र ११ का नागरिकहरुको हितमा काम गर्नको लागि आफु प्रतिबद्ध भएर लाग्ने बताउनुभयो ।

आफुलाई मंसिर ४ गते हुने निर्वाचनमा मतदात गरी निर्वाचित गरे गुठी समस्या समाधानको लागि संसदमा लडिरहने बताउनुभयो ।लोकतान्त्रिक गणतन्त्र स्थापना भएको १५-१६ वर्ष भैसक्दा पनि श्री ५ कै नाममा गुठी कायम रहिरहनु लोकतन्त्रको मर्म विपरित रहेको पनि अधिकारीले बताउनुभयो। आफु सधै जनताको सेवक भएर काम गर्ने भन्दै उहाँले गुठीको समस्या समाधानको लागि आफु प्रतिबद्ध रहेको समेत उद्घोष गर्नुभयो।निर्वाचनमा भाग नलिनु भन्दा पनि आगामी मंसिर ४ हुने निर्वाचनमा असल मान्छे छान्ने र उसैबाट समस्या समाधानको लागि दवाव दिनु उचित रहेको बताउनुभयो।

कार्यक्रममा नेकपा एकिकृत समाजवादीका पोलिटव्युरो सदस्य एवम् संविधानसभा सदस्य गुरुप्रसाद बुर्लाकोटी,नेकपा माओवादी केन्द्रका बागमती प्रदेश सहसचिव दलबहादुर बुर्लाकोटी, नेपाली कांग्रेस धादिङका पूर्व सभापती रमेश धमला लगायतले गुठी समस्या समाधानको लागि पहल गर्ने प्रतिबद्धता जनाउनुभएको थियो।