प्राविधिक शिक्षा आजको आवश्यकता रहेको ढुङ्गानाको भनाई

देशमा प्राबिधिक शिक्षाको महत्व बढ्दै गएको नीलकण्ठ नगपालिकाका मेयर भिम प्रसाद ढुङ्गानाले बताउनु भएको छ । दक्ष जनशक्ति उत्पादन गर्न प्राविधिक शिक्षा महत्वपूर्ण रहेको ढुङ्गानाले बताउनुभयो । अहिलेको प्रमुख आवश्यकता व्यावसायिक शिक्षा भएकोले प्राविधिक शिक्षालाई महत्व दिनुपर्ने ढुङ्गानाले बताउनुभयो ।बिहिबार नीलकण्ठ नगरपालिका वडा नं.८ स्थित देउराली मा.वि.मा प्राविधिक शिक्षालयको उद्घाटन कार्यक्रमलाई सम्बोधन गर्दै ढुङ्गानाले सो कुरा बताउनुभएको हो । देशमा प्राविधिक जनशक्तिको ठूलो माग रहेको भन्दै त्यो मागलाई पूरा गर्न प्राविधिक शिक्षालयले सहयोग र्पुयाउने ढुङ्गानाले बताउनु भएको छ ।धादिङको नीलकण्ठ नगपालिका–८ ससाहामा रहेको देउराली मा.वि.मा प्राविधिक शिक्षालयको उद्घाटन गरिएको छ । प्राविधिक शिक्षा तथा व्यावसायिक तालीम परिषद् (सिटीइभिटी) मार्फत् सञ्चालनमा आएको तीन वर्षे डिप्लोमा सव ईन्जिनियर शिक्षालयको बिहिबार नीलकण्ठ नगपालिकाका मेयर भिम प्रसाद ढुङ्गानाले उद्घाटन गर्नुभएको हो ।नीलकण्ठ नगरपालिका वडा नं.८ को ५ लाख र नगरपालिकाबाट १० लाख गरी १५ लाख लगानीमा प्राविधिक शिक्षालय संचालनमा ल्याउन सफल भएको विद्यालय व्यवस्थापन समितिका अध्यक्ष बद्रि प्रसाद कोइरालाले बताउनुभयो । देउराली मा.वि.को आयोजनामा प्राविधिक शिक्षालय उद्घाटन कार्यक्रम सम्पन्न भएको हो । कार्यक्रमलाई सम्बोधन गर्दै विद्यालय व्यवस्थापन समितिका अध्यक्ष बद्रि प्रसाद कोइरालाले जिल्लालाई प्राविधिक शिक्षामा पनि विकास गर्नको लागी आफूहरुले जिल्लामै पहिलो पटक प्राविधिक शिक्षालय संचालनमा ल्याइएको बताउनुभयो । विद्यालय व्यवस्थापन समितिका अध्यक्ष बद्रि प्रसाद कोइरालाको अध्यक्षतामा सम्पन्न भएको कार्यक्रममा नीलकण्ठ नगरपलिकाका मेयर भिम प्रसाद ढुङ्गानाको प्रमुख आतित्थ्य रहेको थियो । त्यसैगरी कार्यक्रममा जिल्ला शिक्षा समन्वय ईकाईका शाखा अधिकृत कृष्ण कुमार श्रेष्ठ, शिक्षक शिक्षिका, विद्यार्थीहरु र स्थानीय बासिन्दाहरु लगायतको सहभागीता रहेको विद्यालय व्यवस्थापन समितिका सदस्य तथा वडा सदस्य रमेश कोइरालाले जानकारी दिनुभयो ।