नेपाल निजामती कर्मचारी युनियनद्वारा नयाँ बर्षको शुभकामना तथा भितेपात्रो विमोचन

धादिङ,३ बैशाख ।
नेपाल निजामती कर्मचारी युनियनको आयोजनामा आईतबार नयाँ बर्षको शुभकामना तथा भितेपात्रो विमोचन कार्यक्रम सम्पन्न भएको छ । नेपाल निजामती कर्मचारी युनियनको भितेपात्तो विमोचन गर्नुहुदै नेपाली काँग्रेसका नेता तथा प्रतिनिधिसभा सदस्य रामनाथ अधिकारीले युनियनमा आबद्ध भएका कर्मचारीहरूलाइ जनताको काम गर्दा ढिलासुस्ती नगर्न आग्रह गर्नुभएको छ ।

नब बर्ष वि.स. २०८० सालको शुभकामना दिनुहुदै अधिकारीले कर्मचारीहरुको समस्यामा आफुले सक्दो सहयोग गर्ने बताउनुभयो । कार्यक्रममा प्रदेश सांसद गोविन्द लम्सालले विगत देखीनै नेपाल निजामती कर्मचारी युनियनले कर्मचारीहरुको हक अधिकारको क्षेत्रमा काम गर्दै आईरहेको बताउनुभयो ।

नेपाल निजामती कर्मचारी युनियन जिल्ला कार्य समिति धादिङका अध्यक्ष प्रकाश सापकोटाको अध्यक्षतामा सम्पन्न भएको कार्यक्रममा प्रतिनिधिसभा सदस्य रामनाथ अधिकारीको प्रमुख आतिथ्यता रहेको थियो । प्रदेश सांसद गोविन्द लम्सालको विशेष आतिथ्यता रहेको कार्यक्रममा नेपाल निजामती कर्मचारी युनियनका केन्द्रिय सदस्यहरु, बागमती प्रदेशका प्रतिनिधिहरु, विभिन्न संघ सस्थाका प्रतिनिधि र नेपाल निजामती कर्मचारी युनियन जिल्ला कार्य समिति धादिङका पदाधिकारीहरुका उपस्थित रहेको थियो ।