खाल्टेमा जारी श्रीमद भागवत सप्ताहको आज पाँचौँ दिन,प्राविधिक विद्यालय स्थापना गर्नको लागि चन्दा संकलन हुदैँ
साउदीमा मृत्यु भएका राम बहादुर गुरुङको धादिङ स्थित ठेगाना खुलेन,क्षतीपुर्तीमा सहजिकरण गर्न समस्या
शैक्षिक सुधारमा नीलकण्ठ नगरपालिकाः खुला प्रतिस्पर्धाबाट सामुदायिक विद्यालयमा प्रधानाध्यापकको छनौट गर्दै
शितल छहारी नेपालद्धारा स्वाबलम्बी बहिरा आधारभुत विद्यालयलाई स्कुटर हस्तान्तरण
धादिङबेशी आसपासमा सिमसिम पानी, किसान चिन्तित
नीलकण्ठ–८ रामकोटमा आज पञ्चमी मेला लाग्दै
धादिङ,१६ बैशाख ।
गंगाजमुना गाउँपालिकामा न्यायिक समिति तथा मेलमिलापकर्ताका लागि ३ दिने पुनर्ताजगी तालिम संचालन भएको छ । गाउँपालिकाको न्यायिक समितिको आयोजनामा आज देखि तालिम सुरु भएको हो ।
स्थानीयमा हुने विवादहरुलाई अदालतसम्म जानु भन्दा स्थानीय स्तरमै मेलमिलाप गरेर अघि बढ्न सहयोग पुग्ने उद्धेश्यले तालिमको आयोजना गरिएको गाउँपालिकाका उपाध्यक्ष तथा न्यायिक समितिका संयोजक रामेश्वर सिंखडाले बताउनुभयो ।
मेलमिलापकर्ताले मुद्धा छिनोफानो गर्दा समाजमा भाइचाराको सम्वन्ध स्थापित हुने भएकोले त्यसलाई अझै शसक्त ढङ्गले लैजानको लागि तालिम प्रदान गरिएको सिंखडाले बताउनुभयो ।
यस प्रकारको तालिमले दक्ष मेलमिलापकर्ता उत्पादनमा सहयोग पुग्ने भन्दै आगामी दिनमा पनि तालिमलाई निरन्तरता दिइने बताउनुभयो ।
तालिममा ७ वटै वडाका २६ जना मेलमिलाप कर्ताहरुको सहभागिता रहेको छ । जिल्ला अदालत धादिङका अधिवक्ता रामचन्द्र भट्ट र दिनेश दुवाडीले तालिमको प्रक्षिण गर्नुभएको छ ।
गाउँपालिकाका उपाध्यक्ष तथा न्यायिक समितिका संयोजक रामेश्वर सिंखडाको अध्यक्षतामा संचालन भएको तालिममा न्यायिक समितिका सदस्यहरु, मेलमिलाप कर्ताहरु लगायतको उपस्थिति रहेको थियो ।
