खाल्टेमा जारी श्रीमद भागवत सप्ताहको आज पाँचौँ दिन,प्राविधिक विद्यालय स्थापना गर्नको लागि चन्दा संकलन हुदैँ
साउदीमा मृत्यु भएका राम बहादुर गुरुङको धादिङ स्थित ठेगाना खुलेन,क्षतीपुर्तीमा सहजिकरण गर्न समस्या
शितल छहारी नेपालद्धारा स्वाबलम्बी बहिरा आधारभुत विद्यालयलाई स्कुटर हस्तान्तरण
धादिङबेशी आसपासमा सिमसिम पानी, किसान चिन्तित
नीलकण्ठ–८ रामकोटमा आज पञ्चमी मेला लाग्दै
नीलकण्ठको अमेरुवामा भएको सवारी दुर्घटनामा ३ जना घाईते
धादिङ अस्पतालको आर्थिक वर्ष ०७८/७९ को सामाजिक परिक्षण कार्यक्रम सम्पन्न भएको छ । सोमबार धादिङ मिडिया नेटवर्कको आयोजनामा धादिङ अस्पतालको सामाजिक परिक्षण कार्यक्रम सम्पन्न भएको हो ।
धादिङ अस्पतालले प्रवाह गर्ने सेवा तथा सुविधालाई थप प्रभावकारी बनाउन सेवाग्राही तथा सरोकारवाला निकायले प्रतिवद्धता जनाएका छन् ।
कार्यक्रममा सहभागीहरु सेवाग्राही तथा सरोकारवाला निकायले जिज्ञासा सहित सुझाव दिदै धादिङ अस्पतालको कमी कमजोरी सुधार गरी प्रभावकारी सेवा तथा सुविधा प्रवाह गर्नुपर्नेमा जोड दिएका हुन् ।
धादिङ अस्पतालको क्षेत्राधिकार वृहत र सेवाग्राही पनि ठूलो संख्यामा भएका कारण सेवा विस्तार तथा चुस्त बनाउनुपर्ने सहभागीहरुको भनाई छ। कर्मचारी नियुक्तीमा केहि व्यक्तिहरुको हालिमुहाली, सेवा तथा सुविधामा ढिलासुस्ति, सेवाग्राही जादा चिकित्मक नभेटिने समस्या, चिकित्सकले गर्ने व्यवहार, निशुल्क पाइने औषधि सहज नहुनु, एम्बुलेन्स र शव वाहन सेवा लिन कठिन, अस्पताल परिसर शौचालय दुर्गन्धित, सामाजिक सुरक्षा इकाइ प्रभावकारी नहुनु, विशेषज्ञसहितको सेवा निरन्तरता नहुनु जस्ता कमी कमजोरीलाई सुधार गर्नु पर्ने सुभाव दिएका छन् ।
धादिङ अस्पताललाई सुधार गर्न आ–आफ्नो तवरबाट पहल गर्ने प्रतिवद्धता समेत जनाएका छन् । अस्पतालले प्रवाह गर्ने सेवा तथा सुविधालाई थप प्रभावकारी बनाउने धादिङ अस्पतालका निमित्त मेडिकल सुपरिटेन्डण्ट डाक्टर रुद्रमणी भण्डारीले बताउनुभयो । अस्पतालमा सुुधार गर्नु पर्ने कामको थालनी गरी अस्पतालमा सेवा लिन आउनुहुने सेवाग्राहीको विश्वास थपिने काम गर्ने मेसु भण्डारीले बताउनुभयो ।
त्यस्तै, सहभागीहरुको जिज्ञासा सम्बोधन गर्दै सुझाव र सेवाग्राहीकै चाहना अनुरुप अस्पतालले सेवा प्रवाह गर्ने धादिङ अस्पताल व्यवस्थापन समितिका अध्यक्ष राजाराम रिजालले बताउनुभयो । धादिङ अस्पतालले दिने सेवा तथा सुविधामा कुनै पनि हालतमा सहज र प्रभावकारी सेवा प्रवाह गर्ने उहाँले बताउनुभयो ।
कार्यक्रमको सहजीकरण गर्दै पत्रकार मनिष दुवाडीले अस्पतालले प्रवाह गर्दै आएका सेवा तथा सुविधा, समस्या तथा चुनौति, अस्पतालले थालेका राम्रा अभ्यास र सुधार गर्नुपर्ने कुरा लगायतका विषयमा जानकारी गराउनुभएको थियो ।
धादिङ अस्पतालबाट आर्थिक वर्ष ०७८÷०७९ मा ५२ हजार २०३ जनाले ओपिडि सेवा, १३ हजार ३६९ जनाले इमर्जेन्सी सेवा, १३ हजार ६९९ जनाले एक्सरे, ४ हजार २८८ जनाले स्त्री रोग सेवा लगायतका सेवाबाट सेवाग्राही लाभान्वित बनेका छन् ।
