तारुकाघाटदेखि धादिङको काउले जोड्ने सडकमार्ग कालोपत्रे हुँदै

धादिङ,१४ साउन
नुवाकोटको तारुकामा सडक कालोपत्रेका लागि सर्भे गरिएको छ । तारकेश्वर गाउँपालिका २, तारुकाघाटदेखि धादिङ काउले जोड्ने सडकमार्ग कालोपत्रे गर्न सर्भे गरिएको हो । सङ्घीय सरकारको ५ करोड लगानीमा सो सडक कालोपत्रे हुने तारकेश्वर गाउँपालिकाका अध्यक्ष शिव अधिकारी अविरलले जानकारी दिनुभयो । सो सडक कालोपत्रे भए नुवाकोटको तारकेश्वर र यससँग सीमा जोडिएको धादिङकासमेत गरि कुल २० हजार जनसङ्ख्या प्रत्यक्ष लाभान्वित हुने जनाइएको छ ।