सहकारी संचालनको असल अभ्यासमा अध्यक्ष र व्यवस्थापनको भुमिका विषयक अन्तरक्रिया

धादिङ,२८ साउन ।
सहकारी संचालनको असल अभ्यासमा अध्यक्ष र व्यवस्थापनको भुमिका विषयक अन्तरक्रिया कार्यक्रम धादिङमा सम्पन्न भएको छ । शनिबार बागमती प्रदेश सहकारी संघ लिमिटेडको आयोजना तथा धादिङ जिल्ला सहकारी संघ लिमिटेड, धादिङ बचत तथा ऋण सहकारी संघ लिमिटेड र साना किसान कृषि सहकारी संघ लिमिटेडको सहआयोजनामा बैरनीमा अन्तरक्रिया कार्यक्रम सम्पन्न भएको हो ।

कार्यक्रममा संघका लेखा सुपरीवेक्षण समिति संयोजक नेत्रराज पौडेलले स्वागत मन्तव्य तथा सहजकर्ता कुमार खत्रीले सहकारी सञ्चालनका लागि अध्यक्ष र व्यवस्थापन प्रमुखले चाल्नुपर्ने असल अभ्यासको बारेमा कार्यपत्र प्रस्तुत गर्नुभएको थियो।

कार्यक्रममा धादिङ जिल्लाका विभिन्न पालिकाका ५० वटा सहकारीबाट १÷१ जना अध्यक्ष र व्यवस्थापक गरी १०० जनाको सहभागीता रहेको थियो ।
सहभागीहरुले सहकारी संचालनको असल अभ्यासमा अध्यक्ष र व्यवस्थापनको भुमिका विषयक अन्तरक्रिया कार्यक्रमबाट सहकारी सञ्चालनका लागि सकारात्मक उर्जा प्राप्त भएको प्रतिक्रिया दिएका थिए ।

बागमती प्रदेश सहकारी संघका अध्यक्ष रामशरण शर्मा घिमिरेको अध्यक्षता भएको कार्यक्रममा गल्छी गाउँपालिकाका अध्यक्ष केदारनाथ खतिवडाको प्रमुख आतिथ्य तथा बेनिघाट रोराङ गाउँपालिकाका उपाध्यक्ष टाप बहादुर श्रेष्ठको विशेष आतिथ्यता रहेको थियो ।

कार्यक्रममा धादिङ जल्ला सहकारी संघका अध्यक्ष रामकृृष्ण आचार्य, धादिङ बचत तथा ऋण सहकारी संघका अध्यक्ष नवराज शर्मा, साना किसान कृषि सहकारी संघ धादिङका अध्यक्ष, बागमती प्रदेश सहकारी विकास बोर्डकी सदस्य सीता दुवाडी खनाल, धुनिवेशी नगरपालिकाका सहकारी शाखा प्रमुख अजित यादव, सहकारी प्रशिक्षक तथा सहजकर्ता कुमार खत्री लगायतको आतिथ्य रहेको थियो ।