धार्मिक क्षेत्रमा लाखौँ सहयोग गर्दै समाजसेवी सीता दाहाल

धादिङ,८ मंसिर ।
धादिङको गंगाजमुना गाउँपालिका वडा नम्बर ७ घर भई हाल बेल्जियममा बस्दै आउनु भएका सीता दाहालले धार्मिक स्थल निर्माणमा सहयोग गर्दै आउनु भएको छ । धादिङ जिल्ला सहित देशका विभिन्न स्थानमा रहेको मठ मन्दिर निर्माणमा सिता दाहालले आर्थिक सहयोग गर्दै आउनु भएको छ ।आफ्नो देशको लागि केहि गरौँ भन्ने उदेश्यले धार्मिक क्षेत्रमा सहयोग गरेको सीता दाहालले बताउनु भएको छ ।

नेपाल धार्मिक भुमि भएको भन्दै परिवारको सुख,सम्मृद्धी र देशमा धार्मिक पर्यटकीय क्षेत्र होस भन्ने उदेश्यले धादिङ सहित देशका विभिन्न स्थानमा सहयोग गरीएको दाहालको भनाई छ । विगत ७ बर्षदेखी सीता दाहालले आफ्नो कमाईको आधा रकम धार्मिक स्थल निर्माणमा सहयोग गर्नुभएको हो ।७ बर्षको अबधिमा ३० लाख भन्दा बढी रकम धार्मिक स्थल निर्माणमा गरीसक्नु भएको छ ।

धादिङको गंगाजमुना गाउँपालिका वडा नम्बर ७ स्थित गलनेमा जग्गा किनेर ईच्छेश्वर महादेवको मन्दिर निर्माण गर्नुभएको छ।शिव मन्दिर,१०८ शिव लिंग निर्माण,शौचालय,गेट गरी धार्मिक स्थल निर्माण गर्नुभएको छ ।साथै उहाँले ईच्छेश्वर महादेवको मन्दिरमा वर पिपलको चौतारा बनाई धार्मिक रुपमा बर पिपलको बिवाह गराउनु भएको छ । बर पिपल रोपेर धार्मिक रुपमा विवाह गराउदा धार्मिक फल प्राप्त हुने धार्मिक ग्रन्थहरुमा उल्लेख गरीएको छ ।

दाहालले बसेरीको महालक्ष्मी मन्दिर निर्माणमा १ लाख सहयोग गर्नुभएको छ ।दाहालले बसेरीमा मरणघाट निर्माणामा २ लाख,बसेरीकै भगवती मन्दिर निर्माणमामा १ लाख,गोरखाको आर्खेतमा राधाकृष्ण मन्दिर निर्माणमा ४ लाख,काठमाण्डौँको राधा कृष्ण मन्दिर निर्माणमा ५ लाख, सिमराको शिवको मन्दिरको गजुर खरिद गर्न १ लाख र भिमोदय माध्यमिक विद्यालय गोरखालाई नगद ३ लाख सहयोग गर्नुभएको छ । मरेर जाँदा केहि पनि लाने होईन भन्दै दाहालले बाचुञ्जेल आफुले सकेको सहयोग गर्ने प्रतिबद्धता व्यक्त गर्नुभएको छ ।कमाएको केहि रकम सामाजिक कार्यमा खर्च गर्नेगरी छुट्टाएर राख्ने गरेको दाहालले नीलकण्ठ एफएमलाई जानकारी दिनुभयो ।