लैङ्गिक हिंसा विरुद्धको १६ दिने अभियान अन्तरगत १६ गते रक्तदान कार्यक्रम हुँदै

धादिङ,११ मंसिर
लैङ्गिक हिंसा विरुद्धको १६ दिने अभियानको अवसरमा मंसिर १६ गते रक्तदान कार्यक्रम हुने भएको छ । शिवज्योति महिला बचत तथा ऋण सहकारी संस्थाको आयोजनामा धादिङ अस्पताल परिसरमा रक्तदान कार्यक्रम हुने भएको हो ।

कार्यक्रममा लायन्स क्लब अफ काठमाडौँ ब्लड सर्कलको सहकार्य तथा नेपाल रेडक्रस सोसाईटी रक्तसंचार सेवा केन्द्र धादिङ प्राविधिक सहयोग रहेको छ । रक्तदान कार्यक्रम मंसिर १६ गते शनिबार बिहान १० बजेदेखि ४ बजेसम्म हुने आयोजकले जनाएको छ ।
साथै कार्यक्रममा सक्रिय सहभागिताका जनाइ रक्तदान गरी सहयोग गरिदिनहुन आयोजकले अपील समेत गरेको छ।