बन्ध्याकरण गर्ने दपत्तीलाई प्रोत्साहन स्वरुप बेनिघाट रोराङद्वारा नगद ५ हजार

धादिङ,१४ मंसिर
धादिङको बेनिघाट रोराङ गाउँपालिकाले बन्ध्याकरण गर्ने दपत्तीलाई  प्रोत्साहन स्वरुप नगद ५ हजार सहयोग गरेको छ । सन्तानको रहर पुगिसकेका दम्पतीहरुको लागि आयोजना गरीएको बन्ध्याकरण शिविरमा गाउँपालिकाले प्रोत्साहन स्वरुप नगद ५ हजार प्रदान गरेको हो । बेनिघाट आधारभुत अस्पतालमा सम्पन्न भएको बन्ध्याकरण शिविरमा १० जनाले सेवा लिएका बेनिघाट रोराङ गाउँपालिकाका स्वास्थ्य शाखा प्रमुख बर्जेस तामाङले जानकारी दिनुभयो ।

बन्ध्याकरण गरेका सिमान्तकृत चेपाङ परिवार लगायतका व्यक्तिहरुलाई पोषण युक्त खानेकुरा खानको लागि रकम सहयोग गरीएको गाउँपालिका अध्यक्ष कृष्ण बहादुर थपलिया(विवेक)ले जानकारी दिनुभयो । गाउँपालिकाका अध्यक्ष कृष्ण बहादुर थपलिया(विवेक) र उपाध्यक्ष टाप बहादुर श्रेष्ठले नगद रकम वितरण गर्नुभएको हो ।